Տեսադարան

Արթուր Դավթյանը հանդիպել է Եգիպտոսի գլխավոր դատախազին. ստորագրվել է համագործակցության հուշագիր

ՀՀ ք. Երևան, 0010 Վազգեն Սարգսյան փ. 5

Հեռ.` +374 (10) 511-650

Էլ. փոստ` info@prosecutor.am

 

Տեղեկատվության ազատության ապահովման պատասխանատու

ՀՀ դատախազության հանրային կապերի բաժնի պետ՝ Արևիկ Խաչատրյան

28.04.2017 | ՀՀ զինվորական դատախազն աշխատանքային այցով եղել է Երևանի, Շիրակի, Լոռու, Սևանի կայազորների զինվորական դատախազություններում

ՀՀ զինվորական դատախազ Վահե Հարությունյանը  խորհրդակցություններ է անցկացրել Երևանի, Շիրակի, Լոռու, Սևանի կայազորների զինվորական դատախազություններում: Խորհրդակցությանը ներկա են եղել վերոնշյալ մարզերի իրավապահ մյուս համակարգերի պատասխանատուները:

 

Խորհրդակցությունների ընթացքում կայազորների զինվորական դատախազները զեկուցել են հանցավորության վիճակի, շարժընթացի, ինչպես նաև հանցագործությունների բացահայտման վերաբերյալ տվյալների մասին, ներկայացրել դրանց բարելավման ուղղությամբ կատարված աշխատանքը:

 

ՀՀ զինվորական դատախազ Վահե Հարությունյանն, անդրադառնալով պետության սեփականության դեմ ուղղված հանցատեսակների բացահայտման ցուցանիշներին, հանձնարարել է առավել հետևողական լինել դրանց կանխման ուղղությամբ կատարվող միջոցառումների, հատկապես ծանր և առանձնապես ծանր հանցագործությունների վերաբերյալ քրեական գործերի քննության լրիվության, օբյեկտիվության, բազմակողմանիության և արդյունավետության ապահովման նկատմամբ:

 

Զինդատախազի խոսքով՝ այդ հանցագործություններից չբացահայտվածները առանձին դեպքերում օպերատիվ-հետախուզական միջոցառումների և քննչական գործողությունների կատարման հապաղումների, դրանք չպլանավորված և չհամակարգված իրականացնելու հետևանք են:

 

Անդրադառնալով հանցավորության կանխման խնդիրներին՝ Վահե Հարությունյանը կարևորել է յուրաքանչյուր դեպքում հանցագործության պատճառները և դրան նպաստող պայմանները քրեական գործի նախաքննությամբ պարզելու, դրանք վերացնելու ուղղությամբ դատախազական ներգործության միջոցներ ձեռնարկելու անհրաժեշտությունը:

 

Զինվորական դատախազը հանձնարարել է ակտիվացնել ջանքերը՝ քրեական վարույթի շրջանակներում մարդու իրավունքներն ու ազատությունները երաշխավորելու, դրանց անհիմն սահմանափակումները բացառելու ուղղությամբ՝ այդ նպատակով կիրառելով  դատախազական ներգործության բոլոր միջոցները՝ երաշխավորելով իրավական լուծումների միասնականությունն ու որոշակիությունը:

 

Կատարած աշխատանքի արդյունավետության բարձրացման նպատակով ՀՀ զինվորական դատախազը կարևորել է իրավապահ մարմինների աշխատանքի համակարգվածության, միասնականության, կանխատեսելիության և հրապարակայնության ապահովման անհրաժեշտությունը:

 

Ամփոփելով արդյունքները՝ ՀՀ զինվորական դատախազ Վահե Հարությունյանը տվել է  մի շարք  հանձնարարականներ:

 

Խորհրդակցությունները կշարունակվեն ՀՀ զինվորական դատախազության բոլոր կայազորներում: