Մարտի 15-ին ՀՀ գլխավոր դատախազության ավագ դատախազ Վ. Հարությունյանը հանդիպել է Եվրոպայի խորհրդի գրասենյակի ներկայացուցիչներին և փորձագիտական խմբին՝ Ա. Եսինի ղեկավարությամբ:
ՀՀ գլխավոր դատախազության ավագ դատախազ Վ. Հարությունյանը կարևորել է ԵԽ փորձագետների կողմից Զինված ուժերում մարդու իրավունքների պաշտպանության ուղղությամբ իրականացվող ուսումնասիրություններն ու եվրոպական չափանիշների կիրառման ուղղությամբ կատարվող աշխատանքները:
Վ. Հարությունյանի խոսքով՝ ՀՀ զինված ուժերում մարդու իրավունքների պաշտպանությունն ու զինծառայողների իրավագիտակցության բարձրացմանն ուղղված ծրագրերի իրականացումը դատախազության համար գերակա խնդիր է:
Ավագ դատախազը նշել է, որ դատախազության համար առաջնահերթություն է Զինված ուժերում մարդու իրավուքների վիճակի բարելավումը, մարդու իրավունքների պաշտպանության օրենսդրության կատարելագործումն ու մարդու իրավուքների խախտման դեպքերի արդարացի քննության իրականացումը:
Եվրոպայի խորհրդի փորձագիտական խմբի ղեկավար Ա. Եսինը ողջունել է մարդու իրավունքների պաշտպանության ոլորտում, Զինված ուժերում մարդու իրավունքների` եվրոպական չափանիշների կիրառման ամրապնդման ուղղությամբ դատախազության կողմից իրականացվող աշխատանքները:
Հանդիպմանը պայմանավորվածություն է ձեռք բերվել հետագա համագործակցության շարունակականության վերաբերյալ:
Քննարկվել են նաև փոխադարձ հետաքրքրություն ներկայացնող այլ հարցեր ևս:
