Փետրվարի 16-ին Երևանում ՀՀ և ՌԴ գլխավոր դատախազությունների ներկայացուցիչների մասնակցությամբ տեղի է ունեցել «Տեղեկատվական տեխնոլոգիաների կիրառմամբ կատարված հանցագործությունների դեմ պայքարում իրավապահ մարմինների գործունեության նկատմամբ իրականացվող դատախազական հսկողության փորձի փոխանակում» թեմայով սեմինար:
Սեմինարի ընթացքում անդրադարձ է կատարվել կիբեռհանցագործությունների կատարման եղանականերին և դրանց դեմ պայքարի միջոցներին ու մեխանիզմներին՝ համացանցի տարածմանը զուգընթաց ևս մեկ անգամ կարևորելով միջազգային համագործակցությունը՝ տվյալ տեսակի հանցագործությունների նախականխման և բացահայտման ուղղությամբ:
Կողմերը ներկայացրել են տեղեկատվական տեխնոլոգիաների կիրառմամբ կատարված հանցագործությունների կանխման և բացահայտման գործում առկա խոչընդոտները և դրանց հաղթահարմանն ուղղված միջոցառումները:
ՀՀ գլխավոր դատախազության ներկայացուցիչները, ներկայացնելով հանցագործությունների այս տեսակի դեմ պայքարում ունեցած փորձը, ևս մեկ անգամ ընդգծել են, որ ՀՀ գլխավոր դատախազությունում պարբերաբար վերանայվում են նման հանցագործությունների դեմ պայքարի մեխանիզմներն ու սկզբունքները և դրանց համապատասխանությունը միջազգային չափանիշներին:
.jpg)
.jpg)
