ՀՀ գլխավոր դատախազի տեղակալ Էմիլ Բաբայանի գլխավորած պատվիրակությունը երկօրյա աշխատանքային այցով մեկնել է Վրաստան:
Այցի ընթացքում ՀՀ դատախազության պատվիրակությանն ընդունել է Վրաստանի գլխավոր դատախազ Իրակլի Շոթաձեն:
Հանդիպմանը քննարկվել են Հայաստանի և Վրաստանի դատախազական համակարգերում առկա առաջնահերթ խնդիրները և զարգացման հետագա ծրագրերը: Երկուստեք կարևորվել են էլեկտրոնային հետաքննության ծրագրային ապահովման վերաբերյալ հարցերը: Վրաստանի գործընկերները ներկայացրել են էլեկտրոնային հետաքննության ոլորտում ունեցած փորձը:
Կողմերը քննարկել են նաև Հայաստանի և Վրաստանի դատախազությունների միջև համագործակցությանն առնչվող հարցերի լայն շրջանակ: Միաժամանակ ձեռք է բերվել պայմանավորվածություն` հետագա համագործակցության զարգացման նպատակով փոխադարձ այցերի և փորձի փոխանակման կազմակերպման վերաբերյալ:
Հեղինակային իրավունքները պաշտպանված են © 2005-2022
Հրապարակված փաստաթղթերը պաշտոնապես կարող են օգտագործվել միայն ՀՀ գլխավոր դատախազության կողմից հաստատվելուց հետո:
Պաշտոնական էլ.փոստ 10024622@e-citizen.am
(միայն www.e-citizen.am համակարգով ծանուցումների համար)