ՀՀ գլխավոր դատախազ Գևորգ Կոստանյանն ընդունել է Հայաստանում Ռումինիայի արտակարգ և լիազոր դեսպան Սորին Վասիլեին (Sorin Vasile) և հյուպատոսական ծառայության ղեկավար Դրագոշ Զամսիրեսկուին (Dragosh Zamfirescu): Հանդիպմանը մասնակցել են նաև ՀՀ գլխավոր դատախազի տեղակալ Էմիլ Բաբայանը և ՀՀ գլխավոր դատախազության միջազգային-իրավական կապերի բաժնի պետ Նելլի Հարությունյանը:
ՀՀ գլխավոր դատախազը բարձր գնահատելով տարբեր ոլորտներում հայ-ռումինական հարաբերությունները, դրանց զարգացման, սերտացման գործում կարևորել է նաև երկու պետությունների իրավապահ կառույցների համագործակցությունը: Այդ համատեքստում Գևորգ Կոստանյանը Ռումինիայի նորանշանակ գլխավոր դատախազին հրավիրել է Հայաստան:
Դեսպան Սորին Վասիլեի խոսքով, Հայաստանը նկատելի առաջընթած է արձանագրել խոսքի ազատության, իրավապահ համակարգի աշխատանքի թափանցիկության և արդյունավետության գործում:
ՀՀ գլխավոր դատախազը վստահեցրել է, որ իրավապահ համակարգի գործուներությունն ուղղված է ապահովվելու ՀՀ քաղաքացիների և ՀՀ-ում գտնվող անձանց իրավունքները, ազատությունները, ամրապնդելու օրենքի ուժով պաշտպանված լինելու վստահությունը:
Հեղինակային իրավունքները պաշտպանված են © 2005-2023
Հրապարակված փաստաթղթերը պաշտոնապես կարող են օգտագործվել միայն ՀՀ գլխավոր դատախազության կողմից հաստատվելուց հետո:
Պաշտոնական էլ.փոստ 10024622@e-citizen.am
(միայն www.e-citizen.am համակարգով ծանուցումների համար)