Տեսադարան

«Ապօրինի ծագում ունեցող գույքի բռնագանձման» գործերով վարչության մեկամյա գործունեությունը

ՀՀ ք. Երևան, 0010 Վազգեն Սարգսյան փ. 5

Հեռ.` +374 (10) 511-650

Էլ. փոստ` info@prosecutor.am

 

Տեղեկատվության ազատության ապահովման պատասխանատու

ՀՀ դատախազության հանրային կապերի բաժնի պետ՝ Արևիկ Խաչատրյան

24.10.2008 | Դատաբժշկական եզրակացությունների համաձայն՝ բեկորային մարմնական վնասվածք է ստացել ոստիկանության 42 աշխատակից եւ զինծառայող

Նախաքննության ընթացքում  ճշտվել են 2008 թ. մարտի 1-ին եւ 2-ին տեղի ունեցած զանգվածային անկարգությունների ժամանակ մարմնական վնասվածքներ ստացած  ոստիկանության աշխատակիցների, զինծառայողների թվի եւ  վնասվածքների բնույթի վերաբերյալ նախնական տվյալները:

Ի պատասխան ԶԼՄ-ների հարցումների՝ տեղեկացնում ենք, որ նախաքննությամբ ճշտված տվյալների, այդ թվում՝ նշանակված դատաբժշկական փորձաքննությունների եզրակացությունների համաձայն՝ 2008թ. մարտի 1-2-ին, Երեւանի քաղաքապետարանին հարակից տարածքներում եւ կենտրոնական փողոցներում տեղի ունեցած զանգվածային անկարգությունների ժամանակ,  պայթուցիկ սարքերի բեկորներից մարմնական վնասվածքներ են ստացել ոստիկանության 42 աշխատակից եւ զինծառայող:

Բացի այդ՝ պայթուցիկ սարքերի բեկորներից վնասվել են ոստիկանական 1 սաղավարտ, 6 զրահաբաճկոն եւ 2 ծնկակալ, որոնք ենթարկվել են դատաձգաբանական, դատապայթունատեխնիկական եւ դատահետքաբանական համալիր փորձաքննության: Ըստ այդ  եզրակացության՝ նշված վնասվածքներն առաջացել են  տրոտիլ պայթուցիկ նյութ պարունակող պայթուցիկ սարքավորման, ինչպես նաեւ գործարանային արտադրության «ՌԳԴ-5» տեսակի ձեռքի նռնակի պայթյուններից: