Տեսադարան

Արթուր Դավթյանը հանդիպել է Եգիպտոսի գլխավոր դատախազին. ստորագրվել է համագործակցության հուշագիր

ՀՀ ք. Երևան, 0010 Վազգեն Սարգսյան փ. 5

Հեռ.` +374 (10) 511-650

Էլ. փոստ` info@prosecutor.am

 

Տեղեկատվության ազատության ապահովման պատասխանատու

ՀՀ դատախազության հանրային կապերի բաժնի պետ՝ Արևիկ Խաչատրյան

23.07.2008 | Ա.Զուրաբյանը տեղափոխվել է քաղաքացիական բժշկական հաստատություն

ՀՀ գլխավոր դատախազության պատիժների եւ հարկադրանքի այլ  միջոցների կիրառման օրինականության նկատմամբ հսկողություն իրականացնող վարչության պետ Շ.Տիգրանյանի թույլտվությամբ «Երեւան-Կենտրոն» քրեակատարողական հիմնարկի կալանավոր, մեղադրյալ Արարատ Զուրաբյանը 23.07.08թ. տեղափոխվել է քաղաքացիական բժշկական հաստատություն՝ հետազոտության:

2008 թ. հուլիս ամսվա սկզբներից  կալանավոր Ա.Զուրաբյանը գանգատվել է ուժեղ գլխացավերից, օդի անբավարարությունից, սրտի շրջանում սեղմող ցավերից եւ գտնվել է «Երեւան-Կենտրոն» քրեակատարողական հիմնարկի բժիշկների հսկողության ներքո:

Ա.Զուրաբյանի  առողջական վիճակին ծանոթանալու համար ՀՀ գլխավոր դատախազի ցուցումով նրան է այցելել գլխավոր դատախազության պատիժների եւ հարկադրանքի այլ  միջոցների կիրառման օրինականության նկատմամբ հսկողություն իրականացնող վարչության պետ Շ.Տիգրանյանը, նա բժիշկների կողմից ենթարկվել է հետազոտման եւ, 23.07.08թ. տրամադրված բժշկական տեղեկանքի համաձայն, նրա մոտ ախտորոշվել է սրտի իշեմիկ հիվանդություն: Բժիշկների հավաստմամբ՝ Ա.Զուրաբյանը կարիք ունի ստացիոնար հետազոտության, ուստիեւ 23.07.08թ. նա տեղափոխվել է  Լ.Ա.Հովհաննիսյանի անվան սրտաբանության գիտահետազոտական ինստիուտ:

Միաժամանակ հանձնարարվել է քրեակատարողական հիմնարկի պետին՝ ապահովել  Ա.Զուրաբյանի պահպանությունը՝ բժշկական հաստատություն տեղափոխելիս եւ  բժշկական հետազոտման ենթարկվելիս, իսկ բժշկական հետազոտման արդյունքների մասին տեղյակ պահել քրեական հետապնդում իրականացնող մարմնին: