Տեսադարան

Արթուր Դավթյանը հանդիպել է Եգիպտոսի գլխավոր դատախազին. ստորագրվել է համագործակցության հուշագիր

ՀՀ ք. Երևան, 0010 Վազգեն Սարգսյան փ. 5

Հեռ.` +374 (10) 511-650

Էլ. փոստ` info@prosecutor.am

 

Տեղեկատվության ազատության ապահովման պատասխանատու

ՀՀ դատախազության հանրային կապերի բաժնի պետ՝ Արևիկ Խաչատրյան

18.04.2008 | Ապրիլի 18-ի դրությամբ՝ նախնական կալանքի տակ է գտնվում 71 մեղադրյալ

Սահմանադրական կարգի խախտմամբ պետական իշխանությունը յուրացնելու նպատակով Երեւան քաղաքում զանգվածային անկարգություններ հրահրելու եւ կազմակերպելու առթիվ  ՀՀ հատուկ քննչական ծառայության վարույթում քննվող քրեական գործի շրջանակներում  ավարտվել է Վահե Ղազարյանի, Կարեն Թարխանյանի եւ Մկրտիչ Աբրահամյանի մասով նախաքննությունը եւ նրանց վերաբերյալ գործերն անջատվել են առանձին վարույթ:

Նախաքննությամբ ձեռք բերված ապացույցների հիման վրա՝ Վ.Ղազարյանին եւ Մ.Աբրահամյանին  մեղադրանք է առաջադրվել ՀՀ քրեական օրենսգրքի 225-րդ հոդվածի 2-րդ մասով՝ զանգվածային անկարգություններին անմիջական մասնակցություն ունենալու համար, նրանց նկատմամբ որպես խափանման միջոց է ընտրվել կալանավորումը  եւ քրեական գործերն ուղարկվել են Երեւան քաղաքի քրեական դատարան՝ ըստ էության քննելու համար:

Կ.Թարխանյանին  մեղադրանք է առաջադրվել ՀՀ քրեական օրենսգրքի 225-րդ հոդվածի 1-ին մասով՝ զանգվածային անկարգություններ կազմակերպելու համար: Նրա նկատմամբ որպես խափանման միջոց է  ընտրվել կալանավորումը եւ քրեական գործն ուղարկվել է  Երեւան քաղաքի քրեական դատարան՝ ըստ էության քննելու համար:

Նախնական կալանքի տակ գտնվող 1 մեղադրյալի նկատմամբ, ՀՀ գլխավոր դատախազի ցուցումով, փոխվել է կիրառված խափանման միջոցը՝ կալանավորումը եւ ընտրվել է ստորագրություն՝ չհեռանալու մասին:
Զանգվածային անկարգություններին անմիջական մասնակցություն ունենալու կասկածանքով ձերբակալված  Լ.Գասպարյանին մեղադրանք է առաջադրվել ՀՀ քրեական օրենսգրքի 225-րդ հոդվածի 2-րդ մասով եւ նրա նկատմամբ որպես խափանման միջոց է ընտրվել ստորագրություն՝ չհեռանալու մասին:

Այսպիսով՝ սահմանադրական կարգի խախտմամբ պետական իշխանությունը յուրացնելու նպատակով Երեւան քաղաքում զանգվածային անկարգություններ հրահրելու եւ կազմակերպելու առթիվ  ՀՀ հատուկ քննչական ծառայության վարույթում քննվող քրեական գործի շրջանակներում, ապրիլի 18-ի դրությամբ, նախնական կալանքի տակ է գտնվում  71 անձ, եւս 20 մեղադրյալի նկատմամբ որպես խափանման միջոց է ընտրվել ստորագրություն՝ չհեռանալու մասին:

Ապրիլի 18-ի դրությամբ՝ ՀՀ հատուկ քննչական ծառայության կողմից դատարան է ուղարկվել 27 քրեական գործ՝ 27 անձի վերաբերյալ: