Տեսադարան

Արթուր Դավթյանի ելույթը ՀՀ դատախազության համակարգի հիմնադրման 104-ամյակի առթիվ

ՀՀ ք. Երևան, 0010 Վազգեն Սարգսյան փ. 5

Հեռ.` +374 (10) 511-650

Էլ. փոստ` info@prosecutor.am

 

Տեղեկատվության ազատության ապահովման պատասխանատու

ՀՀ դատախազության հանրային կապերի բաժնի պետ՝ Արևիկ Խաչատրյան

09.01.2008 | Տարածվել է ապատեղեկատվություն

Հերքում

«Ազգ» օրաթերթի 09.01.08թ. թիվ  2 (3896) համարում տպագրվել է «Ժամկետանց հաղորդագրություն՝ անցյալ տարվա հանցագործությունը բացահայտելու «խիզախ» տրամադրությամբ» վերտառությամբ հոդվածը, որտեղ հոդվածագիրը ակնհայտ սխալ տեղեկատվություն է մատուցել ընթերցողին:

Կարեւորելով հասարակության ստուգված տեղեկատվություն ստանալու իրավունքը եւ, օգտվելով «Զանգվածային լրատվության մասին» ՀՀ օրենքի 8-րդ հոդվածով ընձեռված իրավունքից, խնդրում եմ, տպագրել ներքոշարադրյալ հերքումը:

Տոնական օրերին Վ.Զատիկյանի անվան այգում տեղի ունեցած ծառահատումների վերաբերյալ «Շանթ» հեռուստաընկերության 07.01.08թ. հեռարձակած ռեպորտաժը որպես ահազանգ ընդունելով ՀՀ գլխավոր դատախազի հանձնարարությամբ Մալաթիա-Սեբաստիա համայնքի դատախազությունը ուսումնասիրել է հարցը:

Դեպքի վայրի տեղազննությամբ պարզվել է, որ այգում ապօրինի հատվել է 51 հատ ծառ (հացենի, թխկի, թեղի, բարդի): Պարզվել է նաեւ, որ հատումների վերաբերյալ առաջին ահազանգը ոստիկանությունը ստացել է 28.12.07թ. եւ սկսել նյութերի նախապատրաստումը, սակայն տեղանքի ուսումնասիրությունը ցույց է տվել, որ ծառահատումներ են կատարվել նաեւ հունվար ամսի առաջին օրերին եւ համայնքի դատախազի 08.01.08թ. որոշմամբ անմիջապես հարուցվել է քրեական գործ եւ նախաքննության իրականացումը հանձնարարվել է ոստիկանությանը: Որեւէ փաստ կամ ահազանգ այգում 3-4 ամիս առաջ կատարված ծառահատումների վերաբերյալ իրավապահ մարմինները չեն ստացել եւ հակառակի մասին հոդվածում նշված տեղեկատվությունը մտացածին է:

Ծառահատումների ավելի կոնկրետ ժամանակահատվածը, ինչպես նաեւ հանցագործների ինքնությունը կպարզի նախաքննությունը, որն իրականացնում է ոստիկանության Մալաթիայի քննչական բաժինը: Եթե  հոդվածագիրն ունի այլ հավաստի տեղեկություններ ծառահատումների ժամանակահատվածի կամ ընդհանրապես դեպքի մասին, ապա, շնորհակալ կլինենք, եթե դրանք ներկայացնի քննությանը:

Բացի այդ, ցավով, պետք է արձանագրեմ, որ հոդվածագիրը չի փորձել նախապես ծանոթանալ այն գերատեսչությունների գործառույթներին, որոնց աշխատանքներին փորձել է գնահատական տալ իր հեղինակած հոդվածում:

Դատախազությունը պատրաստակամությամբ  համագործակցում է  զանգվածային լրատվության միջոցների ներկայացուցիչների հետ եւ ընթերցողներին ապատեղեկատություն տրամադրելուց խուսափելու նպատակով առաջարկում ենք, գործող օրենսդրության շրջանակներում, համագործակցաբար աշխատել: