Տեսադարան

Գլխավոր դատախազի խոսքը Դատախազության աշխատողի օրվան նվիրված նիստին

ՀՀ ք. Երևան, 0010 Վազգեն Սարգսյան փ. 5

Հեռ.` +374 (10) 511-650

Էլ. փոստ` info@prosecutor.am

 

Տեղեկատվության ազատության ապահովման պատասխանատու

ՀՀ դատախազության հանրային կապերի բաժնի պետ՝ Արևիկ Խաչատրյան

21.04.2006 | ՀՀ գլխավոր դատախազ Աղվան Հովսեփյանը եւ Հայաստանում ԱՄՆ-ի արտակարգ և լիազոր դեսպան Ջոն Էվանսը ստորագրեցին նամակ-համաձայնագրի չորրորդ լրացումը

ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ 2006 թվականի ապրիլի 21-ին ՀՀ գլխավոր դատախազ ԱՂՎԱՆ ՀՈՎՍԵՓՅԱՆԸ և Հայաստանում ԱՄՆ-ի արտակարգ և լիազոր դեսպան ՋՈՆ ԷՎԱՆՍԸ ստորագրեցին Թմրանյութերի վերահսկման և իրավապաշտպանության բնագավառում ՀՀ կառավարության և ԱՄՆ կառավարության միջև համագործակցության նամակ-համաձայնագրի չորրորդ լրացումը:
 Նկատենք, որ դեռևս 2001 թվականի հուլիսի 1-ին կնքված համաձայնագրով կողմերը նախատեսել են հիմնել և իրագործել մի ծրագիր, որի նպատակն է ավելի արդյունավետ դարձնել ՀՀ իրավապահ ոլորտը, խթանել օրինականությունը`  խորհրդատվական օգնության, տեխնոլոգիաների և փոխադարձ համագործակցության միջոցով:  Այդ ծրագրի շրջանակներում`  ԱՄՆ կառավարությունը և ՀՀ կառավարությունը յուրաքանչյուր տարվա կտրվածքով նախատեսում են ձեռնարկել համապատասխան գործողություններ և միջոցառումներ: Ծրագիրը բաղկացած է ենթածրագրերից: Օրինակ. իրավապաշտպանության զարգացման ծրագրով նախատեսվում է ուսումնական և տեխնիկական խորհրդատվությունների տրամադրում, որը կոչված է ոստիկանության ենթակառուցվածքների գործունեության արդյունավետության և հնարավորությունների ուժեղացմանը: Դատական թափանցիկության ապահովման ծրագիրը նպատակ ունի նպաստել դատախազության և դատական համակարգի տեխնիկական հնարավորությունների ամրապնդմանը և կադրերի ուսուցմանը:
 Անվտանգության զարգացման ծրագրով նախատեսվում է ՀՀ Ազգային Ժողովի շենքի անվտանգության միջոցառումների իրականացում և համապատասխան ուսուցում: Համաձայնագրի արդեն գործողության մեջ դրված արձանագրություններին համապատասխան, ԱՄՆ կառավարության օժանդակությամբ աշխատանքներ են իրականացվել և իրականացվում ոստիկանության և դատախազության գիտաուսումնական հաստատություններում համակարգչային լսարանների  ստեղծման, հրազենի հետ վարվելու հմտությունների դասավանդման ծրագրի ներդրման, թրաֆիքինգի դեմ պայքարի արդիականացման ուղղությամբ: Խնդրո առարկա Համաձայնագրի շրջանակներում  ստեղծվել և գործում է ՀՀ գիտությունների ազգային ակադեմիայի «փորձագիտական ազգային լաբորատորիա» պետական ոչ առևտրային կազմակերպությունը, որի գործունեության առարկան փորձագիտության բնագավառում գիտահետազոտական, գիտաուսումնական, գիտամեթոդաբանական, գիտափորձարարական վերլուծական աշխատանքների կատարումն է: Անցյալ տարվա հուլիսին ստորագրված Համաձայնագրի 3-րդ լրացմամբ ԱՄՆ կառավարությունը միջոցներ տրամադրեց ոստիկանության ռեգիոնալ համակարգչային ցանցի ստեղծման, իրավապահ մարմինների գիտաուսումնական հաստատությունների զարգացման, թրաֆիքինգի դեմ պայքարի ակտիվացման և մի շարք այլ նպատակներով: Նշված ծրագրերի հետևողական իրականացումը հիմք է հանդիսացել Համաձայնագրի նոր լրացման վավերացման համար, որը մեծապես կնպաստի Հայաստանի իրավապահ համակարգի տեխնիկական վերազինմանը, կադրերի ուսուցման բարելավմանը, հանցավորության դեմ պայքարի արդյունավետության բարձրացմանը:
ՀՀ գլխավոր դատախազության  միջազգային
իրավական  կապերի բաժին
ՀՀ գլխավոր դատախազության հասարակական կապերի
և լրատվության բաժին
ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ 2006 թվականի ապրիլի 21-ին ՀՀ գլխավոր դատախազ ԱՂՎԱՆ ՀՈՎՍԵՓՅԱՆԸ և Հայաստանում ԱՄՆ-ի արտակարգ և լիազոր դեսպան ՋՈՆ ԷՎԱՆՍԸ ստորագրեցին Թմրանյութերի վերահսկման և իրավապաշտպանության բնագավառում ՀՀ կառավարության և ԱՄՆ կառավարության միջև համագործակցության նամակ-համաձայնագրի չորրորդ լրացումը:
 Նկատենք, որ դեռևս 2001 թվականի հուլիսի 1-ին կնքված համաձայնագրով կողմերը նախատեսել են հիմնել և իրագործել մի ծրագիր, որի նպատակն է ավելի արդյունավետ դարձնել ՀՀ իրավապահ ոլորտը, խթանել օրինականությունը`  խորհրդատվական օգնության, տեխնոլոգիաների և փոխադարձ համագործակցության միջոցով:  Այդ ծրագրի շրջանակներում`  ԱՄՆ կառավարությունը և ՀՀ կառավարությունը յուրաքանչյուր տարվա կտրվածքով նախատեսում են ձեռնարկել համապատասխան գործողություններ և միջոցառումներ: Ծրագիրը բաղկացած է ենթածրագրերից: Օրինակ. իրավապաշտպանության զարգացման ծրագրով նախատեսվում է ուսումնական և տեխնիկական խորհրդատվությունների տրամադրում, որը կոչված է ոստիկանության ենթակառուցվածքների գործունեության արդյունավետության և հնարավորությունների ուժեղացմանը: Դատական թափանցիկության ապահովման ծրագիրը նպատակ ունի նպաստել դատախազության և դատական համակարգի տեխնիկական հնարավորությունների ամրապնդմանը և կադրերի ուսուցմանը:
 Անվտանգության զարգացման ծրագրով նախատեսվում է ՀՀ Ազգային Ժողովի շենքի անվտանգության միջոցառումների իրականացում և համապատասխան ուսուցում: Համաձայնագրի արդեն գործողության մեջ դրված արձանագրություններին համապատասխան, ԱՄՆ կառավարության օժանդակությամբ աշխատանքներ են իրականացվել և իրականացվում ոստիկանության և դատախազության գիտաուսումնական հաստատություններում համակարգչային լսարանների  ստեղծման, հրազենի հետ վարվելու հմտությունների դասավանդման ծրագրի ներդրման, թրաֆիքինգի դեմ պայքարի արդիականացման ուղղությամբ: Խնդրո առարկա Համաձայնագրի շրջանակներում  ստեղծվել և գործում է ՀՀ գիտությունների ազգային ակադեմիայի «փորձագիտական ազգային լաբորատորիա» պետական ոչ առևտրային կազմակերպությունը, որի գործունեության առարկան փորձագիտության բնագավառում գիտահետազոտական, գիտաուսումնական, գիտամեթոդաբանական, գիտափորձարարական վերլուծական աշխատանքների կատարումն է: Անցյալ տարվա հուլիսին ստորագրված Համաձայնագրի 3-րդ լրացմամբ ԱՄՆ կառավարությունը միջոցներ տրամադրեց ոստիկանության ռեգիոնալ համակարգչային ցանցի ստեղծման, իրավապահ մարմինների գիտաուսումնական հաստատությունների զարգացման, թրաֆիքինգի դեմ պայքարի ակտիվացման և մի շարք այլ նպատակներով: Նշված ծրագրերի հետևողական իրականացումը հիմք է հանդիսացել Համաձայնագրի նոր լրացման վավերացման համար, որը մեծապես կնպաստի Հայաստանի իրավապահ համակարգի տեխնիկական վերազինմանը, կադրերի ուսուցման բարելավմանը, հանցավորության դեմ պայքարի արդյունավետության բարձրացմանը:
ՀՀ գլխավոր դատախազության  միջազգային
իրավական  կապերի բաժին
ՀՀ գլխավոր դատախազության հասարակական կապերի
և լրատվության բաժին