09.11.2016 | ՀՀ գլխավոր դատախազությունը ՀՀ վերահսկիչ պալատից պահանջել է քրեաիրավական բնույթի խախտումների վերաբերյալ վերահսկողության ընթացքում կազմված արձանագրությունները և ընթացիկ հաշվետվությունները այսուհետ ուղարկել ՀՀ գլխավոր դատախազություն

 Զանգվածային լրատվամիջոցներում տեղ գտած հրապարակումների կապակցությամբ ՀՀ գլխավոր դատախազության պետական շահերի պաշտպանության վարչության կողմից ուսումնասիրվում են ՀՀ կրթության և գիտության նախարարության կողմից կատարվող «Բարձրագույն մասնագիտական կրթության գնահատման համակարգի բարեփոխումներ», «Կրթության բովանդակային և մեթոդական սպասարկում և հանրապետության հանրակրթական դպրոցների, ուսուցիչների վերապատրաստում», «Նախնական մասնագիտական և միջին մասնագիտական կրթության և ուսուցման (ՄԿՈՒ) բարեփոխումներ» ծրագրերի նկատմամբ ՀՀ վերահսկիչ պալատի կողմից 2016թ. իրականացված վերահսկողության ընթացիկ հաշվետվություններում նշված խախտումների հանգամանքները:
 Ուսումնասիրությունների շրջանակներում գրություններ են ուղարկվել ՀՀ վերահսկիչ պալատ ու ՀՀ կրթության և գիտության նախարարություն, պահանջվել համապատասխան փաստաթղթեր և տեղեկատվություն:
 Միաժամանակ, ՀՀ գլխավոր դատախազի գրությամբ ՀՀ վերահսկիչ պալատի նախագահից «Վերահսկիչ պալատի մասին» ՀՀ օրենքի 6-րդ հոդվածի 4-րդ կետով սահմանված կարգով պահանջվել է քրեաիրավական բնույթի խախտումների վերաբերյալ վերահսկողության ընթացքում  կազմված արձանագրությունները և ընթացիկ հաշվետվությունները այսուհետ ուղարկել ՀՀ գլխավոր դատախազություն:
 

ՀՀ գլխավոր դատախազի ելույթը հակակոռուպցիոն ռազմավարությունը միջազգային փորձի ներքո թեմայով համաժողովին

Հետադարձ կապ

ՀՀ ք. Երևան, 0010 Վազգեն Սարգսյան փ. 5

Հեռ.` +374 (10) 511-650

Ֆաքս՝ +374 (10) 511-646

Էլ. փոստ` info@prosecutor.am