21.01.2013 | ՀՀ գլխավոր դատախազն ընդունել է ԱՊՀ Միջխորհրդարանական Վեհաժողովի պատվիրակությանը

ՀՀ գլխավոր դատախազ Աղվան Հովսեփյանն այսօր ընդունել է ԱՊՀ Միջխորհրդարանական Վեհաժողովի՝ երկարաժամկետ դիտորդական առաքելության ղեկավար Ալեքսանդր Ստոյանոգլոյի գլխավորած պատվիրակությանը։

Կողմերը քննարկել են ՀՀ Նախագահի ընտրությունների ընթացքում հնարավոր իրավախախտումներին արագ արձագանքելու, պատշաճ իրավական գնահատական տալուն  վերաբերող հարցեր: ՀՀ գլխավոր դատախազը հյուրերին տեղեկացրել է, որ իր հրամանով հունվարի 14-ին ստեղծվել է աշխատանքային խումբ՝ ընտրախախտումների վերաբերյալ հաղորդումների ընդունման, գրանցման եւ քննարկման նկատմամբ դատախազական հսկողություն իրականացնելու համար,  որի համակարգումն իրականացնելու է ՀՀ գլխավոր դատախազի տեղակալ Արամ Թամազյանը:

ՀՀ գլխավոր դատախազը հավաստել է, որ աշխատանքային խումբը գործելու է հրապարակային եւ հանրությունը պարբերաբար կտեղեկացվի ընտրությունների ընթացքում արձանագրված քրեորեն հետապնդելի խախտումների եւ դրանց կապակցությամբ իրականացված քննության արդյունքների  մասին:
«Դատախազությունը վճռական ու պատրաստակամ է` հետամուտ լինելու հնարավոր ընտրախախտումների վերաբերյալ հաղորդումների  պատշաճ գրանցմանն ու քննարկմանը, դրանց համարժեք քրեաիրավական գնահատական տալուն»,- ասել է ՀՀ գլխավոր դատախազը:

Ա.Հովսեփյանը կարեւորել է նաեւ կանխարգելիչ քայլերի ձեռնարկումը՝ դրանց թվում ընդգծելով ընտրախախտումների համար նախատեսված քրեական պատասխանատվության մասին հանրությանն իրազեկելը։

ՀՀ գլխավոր դատախազ Արթուր Դավթյանի շնորհավորական ուղերձը հանդիսավոր նիստում

Հետադարձ կապ

ՀՀ ք. Երևան, 0010 Վազգեն Սարգսյան փ. 5

Հեռ.` +374 (10) 511-650

Ֆաքս՝ +374 (10) 511-646

Էլ. փոստ` info@prosecutor.am