13.12.2012 | Կադրային փոխատեղումներ ՀՀ զինվորական դատախազությունում

ՀՀ գլխավոր դատախազի` 2012թ. դեկտեմբերի 13-ի հրամանով ՀՀ զինվորական դատախազի տեղակալ, արդարադատության  առաջին դասի խորհրդական Արազի Հովսեփյանն ազատվել է զբաղեցրած պաշտոնից`անձնական դիմումի համաձայն, իսկ ՀՀ զինվորական դատախազի տեղակալ է նշանակվել Արտավազդ Հարությունյանը` ազատվելով ՀՀ զինվորական կենտրոնական դատախազության ՀՀ պաշտպանության նախարարության քննչական վարչությունում քննվող գործերի բաժնի պետի պաշտոնից: Վերջինիս փոխարեն նշված բաժնի պետ է նշանակվել Գևորգ Համբարձումյանը` ազատվելով Սևանի կայազորի զինվորական դատախազի պաշտոնից: Իսկ Սեւանի կայազորի զինվորական դատախազ է նշանակվել Համբարձում Մելիք-Սարգսյանը` ազատվելով ՀՀ զինվորական կենտրոնական դատախազության ավագ դատախազի պաշտոնից:

ՀՀ գլխավոր դատախազի հրամաններով տեղի են ունեցել նաեւ մի քանի այլ  փոխատեղումներ:

Մասնավորապես` Գրիգոր Էլիզբարյանը նշանակվել է Լոռու կայազորի զինվորական դատախազ` ազատվելով Շիրակի կայազորի զինվորական դատախազի պաշտոնից, իսկ Շիրակի կայազորի զինվորական դատախազ է նշանակվել Թևոս Միրզաբեկյանը` ազատվելով Լոռու կայազորի զինվորական դատախազի պաշտոնից:

Ստեփան Մանուշակյանը նշանակվել է Եղեգնաձորի կայազորի զինվորական դատախազ` ազատվելով Գորիսի կայազորի զինվորական դատախազի պաշտոնից, իսկ Գորիսի կայազորի զինվորական դատախազ է նշանակվել Տիգրան Սարգսյանը` ազատվելով Եղեգնաձորի կայազորի զինվորական դատախազի պաշտոնից:

Դատախազությունը նշում է 102-րդ տարեդարձը և Դատախազության աշխատողի օրը

Հետադարձ կապ

ՀՀ ք. Երևան, 0010 Վազգեն Սարգսյան փ. 5

Հեռ.` +374 (10) 511-650

Ֆաքս՝ +374 (10)

Էլ. փոստ` info@prosecutor.am

 

Տեղեկատվության տրամադրում

ՀՀ դատախազության հանրային կապերի բաժնի պետ՝ Արևիկ Խաչատրյան

Հեռ. (37410) 511-527