30.01.2012 | Փոխըմբռման հուշագիր՝ Հայաստանի եւ Մոլդովայի գլխավոր դատախազությունների միջեւ

Հայաստանի գլխավոր դատախազի տեղակալ Մնացական Սարգսյանն ու Մոլդովայի գլխավոր դատախազ Վալերի Զուբկոն հունվարի 29-ին Քիշնեւում ստորագրել են երկու երկրների գլխավոր դատախազությունների միջեւ  Փոխըմբռման հուշագիր:

 Կարեւորելով  երկկողմ համագործակցության զարգացումը կազմակերպված եւ անդրազգային հանցավորության, մասնավորապես՝ կոռուպցիայի և փողերի լվացման, մարդկանց թրաֆիկինգի   կանխման և դրանց դեմ պայքարում՝ կողմերը պայմանավորվել են միմյանց ցուցաբերել իրավական օգնություն: Բացի այդ՝  կկազմակերպվեն փոխադարձ այցելություններ՝ փորձի փոխանակման եւ երկուստեք հետաքրքրություններ ներկայացնող հարցեր քննարկելու նպատակով:

Մոլդովայի գլխավոր դատախազ Վալերի Զուբկոն հուշագիրը «երկխոսության եւ աջակցության գործոն» է անվանել, իսկ Մնացական Սարգսյանն ասել է, թե չնայած ԱՊՀ շրջանակներում հուշագրերի առկայությանը, երկկողմ փաստաթղթերի ստորագրումը նպաստում է հանցավորության դեմ պայքարում համագործակցության եւ փորձի փոխանակման արդյունավետության բարձրացմանը:

Դատախազությունը նշում է 102-րդ տարեդարձը և Դատախազության աշխատողի օրը

Հետադարձ կապ

ՀՀ ք. Երևան, 0010 Վազգեն Սարգսյան փ. 5

Հեռ.` +374 (10) 511-650

Ֆաքս՝ +374 (10)

Էլ. փոստ` info@prosecutor.am

 

Տեղեկատվության տրամադրում

ՀՀ դատախազության հանրային կապերի բաժնի պետ՝ Արևիկ Խաչատրյան

Հեռ. (37410) 511-527