Աշխատանքի ընդունվելու կարգ

Դատախազներ

 

Դատախազների նշանակման կարգը

ՀՀ  գլխավոր դատախազին, ՀՀ Սահմանադրության 103-րդ հոդվածի համաձայն, ՀՀ Նախագահի առաջարկությամբ, նշանակում է Հայաստանի Հանրապետության Ազգային ժողովը՝  6 տարի ժամկետով: Նույն անձը չի կարող ավելի քան երկու անգամ անընդմեջ նշանակվել գլխավոր դատախազ:

 

Գլխավոր դատախազի տեղակալներին գլխավոր դատախազի առաջարկությամբ նշանակում է Հանրապետության Նախագահը:Գլխավոր դատախազի տեղակալի պաշտոնում,  «Դատախազության մասին» ՀՀ օրենքի 36-րդ հոդվածի համաձայն,  կարող է նշանակվել այն անձը, ով ունի դատավորի, դատախազի, փաստաբանի, քննիչի, պետական կամ տեղական ինքնակառավարման մարմնում իրավաբանի մասնագիտությամբ աշխատանքի առնվազն հինգ տարվա ստաժ կամ իրավաբանի մասնագիտությամբ այլ աշխատանքի առնվազն տասը տարվա ստաժ:

 

Երևան քաղաքի, Երևան քաղաքի համայնքների, մարզերի դատախազներին, կայազորների զինվորական դատախազներին, գլխավոր դատախազության վարչությունների պետերին պաշտոնի է նշանակում գլխավոր դատախազը՝ դատախազների առաջխաղացման ցուցակում ընդգրկված անձանցից, եթե որակավորման հանձնաժողովը դրական եզրակացություն է տալիս այդ անձին համապատասխան պաշտոնում նշանակելու համար: Պաշտոնի նշանակվելու դեպքում անձը գլխավոր դատախազի կողմից հանվում է դատախազների առաջխաղացման ցուցակից:

 

Գլխավոր դատախազության ավագ դատախազներին, գլխավոր դատախազության բաժինների պետերին, գլխավոր դատախազության վարչությունների պետերի տեղակալներին, Երևան քաղաքի, Երևան քաղաքի համայնքների, մարզերի և կայազորների զինվորական դատախազների տեղակալներին, զինվորական դատախազի տեղակալներին, գլխավոր դատախազության վարչությունների և բաժինների կազմում գործող ավագ դատախազներին, Երևան քաղաքի, Երևան քաղաքի համայնքների, մարզերի և կայազորների զինվորական դատախազությունների ավագ դատախազներին, զինվորական կենտրոնական դատախազության բաժինների պետերին, զինվորական կենտրոնական դատախազության ավագ դատախազներին, զինվորական կենտրոնական դատախազության բաժինների կազմում գործող ավագ դատախազներին պաշտոնի է նշանակում գլխավոր դատախազը՝ դատախազների առաջխաղացման ցուցակում ընդգրկված անձանցից: Պաշտոնի նշանակվելու դեպքում անձը գլխավոր դատախազի կողմից հանվում է դատախազների առաջխաղացման ցուցակից:

 

Գլխավոր դատախազության դատախազներին, գլխավոր դատախազության վարչությունների և բաժինների կազմում գործող դատախազներին, Երևան քաղաքի, Երևան քաղաքի համայնքների, մարզերի և կայազորների զինվորական դատախազությունների դատախազներին, զինվորական կենտրոնական դատախազության դատախազներին, զինվորական կենտրոնական դատախազության բաժինների կազմում գործող դատախազներին  նշանակում գլխավոր դատախազը՝ դատախազների թեկնածությունների ցուցակում ընդգրկված  անձանցից: Պաշտոնի նշանակվելու դեպքում անձը գլխավոր դատախազի կողմից հանվում է դատախազների թեկնածությունների ցուցակից:

 

Դատախազներին ներկայացվող ընդհանուր պահանջներն են՝

Հայաստանի Հանրապետությունում ստացել է բակալավրի կամ դիպլոմավորված մասնագետի բարձրագույն իրավաբանական կրթության որակավորման աստիճան կամ նմանատիպ աստիճան է ձեռք բերել օտարերկրյա պետությունում, որի ճանաչումն ու համարժեքության հաստատումը Հայաստանի Հանրապետությունում իրականացվել են օրենքով սահմանված կարգով.
տիրապետում է գրական հայերենին:

Դատախազությունում պաշտոն զբաղեցնելու իրավունք չունի այն անձը՝

ով դատական կարգով ճանաչվել է անգործունակ կամ սահմանափակ գործունակ.
ով դատապարտվել է հանցագործության համար` անկախ դատվածությունը մարված կամ հանված լինելու հանգամանքից.
ով ունի դատախազի պաշտոնում նշանակմանը խոչընդոտող ֆիզիկական արատ կամ հիվանդություն (ցանկը սահմանում է ՀՀ կառավարությունը).
ով չի անցել պարտադիր զինվորական ծառայություն, բացառությամբ այն անձանց, ովքեր ազատվել են նման ծառայությունից օրենքով նախատեսված կարգով ու հիմքով.
ում նկատմամբ հարուցված քրեական հետապնդումը դադարեցվել է ոչ արդարացնող հիմքերով:

Դատախազների թեկնածությունների ցուցակը համալրելու համար բաց մրցույթի անցկացման և դատախազների թեկնածությունների ցուցակը կազմելու կարգերը

 

I. ԸՆԴՀԱՆՈՒՐ   ԴՐՈՒՅԹՆԵՐ

 
1. Սույն կարգով սահմանվում են դատախազների թեկնածությունների ցուցակը համալրելու համար նախատեսված բաց մրցույթի անցկացման հետ կապված հարաբերությունները:
2. Մրցույթով երաշխավորվում է Հայաստանի Հանրապետության քաղաքացիների համար դատախազի պաշտոն զբաղեցնելու հավասարությունը և մատչելիությունը՝ իրենց մասնագիտական գիտելիքներին և աշխատանքային ունակություններին համապատասխան` անկախ ազգությունից, ռասայից, սեռից, դավանանքից, քաղաքական կամ այլ հայացքներից, սոցիալական ծագումից, գույքային կամ այլ դրությունից:
3. Օրենքի հիման վրա, սույն կարգով և իրավական այլ ակտերով նախատեսված պահանջներին համապատասխան, դատախազների թեկնածությունների ցուցակը համալրելու համար անցկացվում է բաց մրցույթ:

 

II.   ՄՐՑՈՒՅԹԻ ՄԱՍԻՆ ՀԱՅՏԱՐԱՐՈՒԹՅՈՒՆԸ


4. Դատախազների թեկնածությունների ցուցակը համալրելու համար հայտարարությունը հրապարակում է Հայաստանի Հանրապետության դատախազությունը՝ օրենքի պահանջներին համապատասխան:
5.  Հայտարարությունը պետք է պարունակի հետևյալ տվյալները`
1) համապատասխան մարմնի անվանումը.
2) դատախազների թեկնածությունների ցուցակում ընդգրկվելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջները.
3) փաստաթղթերի ներկայացման վերջնաժամկետը.
4) մրցույթը սկսելու օրը, ժամը և վայրը.
5) մրցույթի նախապատրաստական աշխատանքներն իրականացնողի գտնվելու վայրը և հեռախոսահամարը:

 

III.  ՄՐՑՈՒՅԹԻ ՆԱԽԱՊԱՏՐԱՍՏԱԿԱՆ ԱՇԽԱՏԱՆՔՆԵՐԸ


6. Դատախազների թեկնածությունների ցուցակի համալրման համար մրցույթի նախապատրաստական աշխատանքներն իրականացնում է Հայաստանի Հանրապետության գլխավոր դատախազության անձնակազմի բաժինը (այսուհետ՝ անձնակազմի բաժին)` Հայաստանի Հանրապետության դատախազության աշխատակազմի (այսուհետª աշխատակազմ) աջակցությամբ:
7. Մրցույթին մասնակցելու համար քաղաքացիները նախապատրաստական աշխատանքներն իրականացնող համապատասխան աշխատակազմին ներկայացնում են՝
1) դիմում՝ ուղղված Հայաստանի Հանրապետության գլխավոր դատախազին առընթեր որակավորման հանձնաժողովին (այսուհետ` հանձնաժողով).
2) անձը հաuտատող փաuտաթուղթ.
3) հավակնորդի բարձրագույն իրավաբանական կրթության առկայությունը հավաuտող փաuտաթուղթ.
4) հավակնորդի կենuագրական տվյալները պարունակող քարտ` իրավաբանի կոչում ձեռք բերելուց հետո իրականացված մաuնագիտական իրավաբանական գործունեության նկարագրությամբ` կցելով համապատասխան ապացույցներ (այդ թվում` պաշտոնի անձնագիր կամ այլ փաuտաթղթեր, որոնք հավաuտում են մաuնագիտական իրավաբանական ստաժ դիտարկվող աշխատանքում աշխատանքային պարտականությունները).
5) պարտադիր զինվորական ծառայություն անցած լինելը կամ օրենքով նախատեuված կարգով պարտադիր զինվորական ծառայությունից ազատված լինելը կամ տարկետում ունենալը հավաստող փաստաթուղթ (եթե հավակնորդը արական սեռի է).
6) դատախազի պաշտոնում նշանակմանը խոչընդոտող ֆիզիկական արատների և հիվանդությունների բացակայության մաuին Հայաստանի Հանրապետության կառավարության կողմից uահմանված կարգով տրված փաստաթուղթ.
7) օրենքով նախատեսված այլ փաստաթղթեր:
8. Քաղաքացին փաստաթղթերը ներկայացնում է անձամբ:
9. Նախապատրաստական աշխատանքներ իրականացնող անձնակազմի բաժինն ու աշխատակազմը մրցույթին մասնակցելու համար դիմում ներկայացրած յուրաքանչյուր անձի վերաբերյալ փաստաթղթերի փաթեթը ներկայացնում է հանձնաժողովին:
10. Մրցույթն անցկացվում է հայտարարության մեջ նշված ժամկետում:


    
IV. ԲԱՑ ՄՐՑՈՒՅԹԸ


11. Բաց մրցույթն անցկացվում է հարցազրույցի եղանակով:
12. Հարցազրույցը հայտատուի մաuնագիտական պատրաuտվածության, գործնական ունակությունների և բարոյական հատկանիշների ստուգումն է, որը կատարվում է այդ նպատակով կազմված հարցաշարի հիման վրա տրված հարցերի միջոցով:
13. Հարցաշարում զետեղված առաջադրանքները բովանդակում են առարկայական հարցադրումներ ստորև թվարկված բնագավառներից՝ հետևյալ տոկոuային հարաբերությամբ`


1) Հայաստանի Հանրապետության Uահմանադրություն` 20 տոկոս.
2)«Դատախազության մասին» Հայաստանի Հանրապետության օրենք՝ 20 տոկոս.
3) քրեական և քրեադատավարական օրենսդրություն՝  40 տոկոս.
4) քաղաքացիական, քաղաքացիադատավարական, քրեակատարողական և դատախազության լիազորություններից բխող այլ օրենսդրություն՝ 20 տոկոս:
14. Հարցազրույցի հարցաշարը կազմում է Հայաստանի Հանրապետության գլխավոր դատախազությունը, որը հաստատում է Հայաստանի Հանրապետության գլխավոր դատախազը (այսուհետ՝ գլխավոր դատախազ): Հարցաշարի կազմմանը կարող են մաuնակցել հրավիրված մասնագետներ:
15. Դատախազների թեկնածությունների ցուցակը համալրելու համար անցկացվող բաց մրցույթին մասնակցելու իրավունք ունեն դատախազի պաշտոնին նշանակվելու համար օրենքով և իրավական այլ ակտերով սահմանված պահանջները բավարարող Հայաստանի Հանրապետության քաղաքացիները:
16. Մրցույթին մասնակցելու իրավունք չունի այն անձը, ով՝
1) դատական կարգով ճանաչվել է անգործունակ կամ uահմանափակ գործունակ.
2) դատապարտվել է հանցագործության համար` անկախ դատվածությունը մարված կամ հանված լինելու հանգամանքից.
3) ունի դատախազի պաշտոնին նշանակմանը խոչընդոտող ֆիզիկական արատ կամ հիվանդություն, որի ցանկը հաստատում է Հայաստանի Հանրապետության կառավարությունը.
4) չի անցել պարտադիր զինվորական ծառայություն, բացառությամբ այն անձանց, ովքեր ազատվել են նման ծառայությունից՝ oրենքով նախատեuված կարգով ու հիմքով.
5) ում նկատմամբ հարուցված քրեական հետապնդումը դադարեցվել է ոչ արդարացնող հիմքերով:
17. Մինչև մրցույթի անցկացման սկիզբը գումարած նիստում հանձնաժողովը քննության է առնում ներկայացված փաստաթղթերը և կայացնում  համապատասխան որոշում՝ մրցույթին մասնակցելու թույլտվություն տալու կամ մասնակցությունը չթույլատրելու մասին: Հանձնաժողովն իր որոշմամբ հաստատում է մրցույթի մասնակիցների ցուցակը: Մրցույթին մասնակցելու թույլտվություն տալու կամ մասնակցությունը չթույլատրելու մասին հանձնաժողովի որոշումը հանձնվում է մրցույթի մասնակցին:
18. Հարցազրույցին մասնակցելու թույլտվություն չտալու որոշում կայացվում է փաuտաթղթային տվյալների անհամապատասխանության դեպքում կամ, երբ առկա է դատախազի պաշտոնին նշանակմանը խոչընդոտող օրենքով նախատեսված փաստ կամ, երբ հանձնաժողովին ներկայացված փաստաթղթերը ոչ լիարժեք են:
19. Հարցազրույցն անցկացնում է հանձնաժողովը:
20. Յուրաքանչյուր մասնակցի հետ հարցազրույցը ձայնագրվում և գրավոր արձանագրվում է: Արձանագրության տակ ստորագրում են հանձնաժողովի նախագահը և քարտուղարը:
ա. Հարցազրույցի ձայնագրությունը կցվում է արձանագրությանը:
բ. Հարցազրույցի ձայնագրությունն ու գրավոր արձանագրությունն ունեն միևնույն իրավական ուժը, սակայն եթե ձայնագրությունը պատշաճ որակի չէ կամ տեխնիկական այլ խնդիրների պատճառով հնարավոր չէ այն վերարտադրել, ապա հիմք է ընդունվում գրավոր արձանագրությունը:
21. Յուրաքանչյուր հավակնորդի հետ հարցազրույցն անցկացվում է առանձին:
22. Հանձնաժողովի հարցադրումները պետք է ձևակերպվեն հստակ և հավակնորդի համար լինեն հասկանալի:
23. Հարցազրույցի ընթացքում հանձնաժողովի յուրաքանչյուր անդամ հավակնորդին կարող է տալ առավելագույնը երկու հարց՝ հարցաշարից, բայց դրանք ընդհանուր հաշվարկով չպետք է գերազանցեն տասներկուսը: Յուրաքանչյուր հարցից հետո, հարց տվող հանձնաժողովի անդամը հայտարարում է պատասխանի ճիշտ կամ uխալ լինելը, իսկ սխալ պատաuխանի դեպքում՝ նշում է ճիշտ պատասխանը:
24. Հարցին պատաuխանելու համար, հավակնորդին, ցանկության դեպքում, տրվում է ողջամիտ ժամանակ՝ պատրաuտվելու և մտքերը հավաքելու համար:
25. Հանձնաժողովը որոշումները կայացնում է բաց քվեարկությամբ՝ նիստին մասնակցող հանձնաժողովի անդամների ձայների մեծամասնությամբ:
26. Քվեարկության արդյունքներն ամփոփվում են հանձնաժողովի կողմից, ինչի մասին կազմվում է արձանագրություն:
27. Եթե մասնակիցներից ոչ մեկը քվեարկության արդյունքում չի հավաքել հանձնաժողովի՝ քվեարկությանը մասնակցած անդամների կեսից ավելիի կողմ ձայները, ապա հանձնաժողովն ընդունում է մրցույթի արդյունքում հաղթող չճանաչելու մասին որոշում, որից հետո անցկացվում է նոր մրցույթ:
28. Անհրաժեշտության դեպքում, դատախազների թեկնածությունների ցուցակի համալրման համար, լրացուցիչ բաց մրցույթ կարող է անցկացվել գլխավոր դատախազի հանձնարարականով:

 

V. ՄՐՑՈՒՅԹԻ ԱՐԴՅՈՒՆՔՆԵՐԻ ԱՄՓՈՓՈՒՄԸ ԵՎ ԴՐԱՆՑ ՊԱՇՏՈՆԱԿԱՆ ՀՐԱՊԱՐԱԿՈՒՄԸ


29. Մրցույթի արդյունքում հաղթող ճանաչված մասնակիցների համար հանձնաժողովը կազմում է համապատասխան եզրակացություն:
30. Եզրակացության  մեջ պետք է նշվեն՝
1) մրցույթի անցկացման հիմքերը.
2) մրցույթի անցկացման տարին, ամիսը, ամսաթիվը և վայրը.
3) հաղթող ճանաչված մասնակիցների ազգանունը, անունը, հայրանունը՝ ըստ այբբենական կարգի, ծննդյան տարին, ամիսը և ամսաթիվը, անձնա¬գրային տվյալները.
4) հաղթող ճանաչված մասնակիցների վերաբերյալ հանձնաժողովի քվեարկության արդյունքները.
31. Եզրակացությունը ստորագրում են հանձնաժողովի նախագահը և քարտուղարը: Հանձնաժողովի անդամը հատուկ կարծիք ունենալու դեպքում գրավոր ներկայացնում է այն, որի մասին նշում է կատարվում նիստի արձանագրությունում՝ «հատուկ կարծիքը կցվում է» բառերով:
32. Մրցույթի արդյունքները հրապարակվում են մրցույթն անցկացնելուց հետո՝ անհապաղ: Մրցույթի արդյունքների հրապարակման մասին հանձնաժողովը կազմում է մրցույթի արդյունքների հրապարակման թերթիկ, որը կնքվում է:
33. Մրցույթի արդյունքների հրապարակման թերթիկի մեջ նշվում են՝
1) դատախազների թեկնածությունների ցուցակում ընդգրկվելու համար դիմած անձանց  ազգանունները, անունները և հայրանունները.
2) մրցույթի անցկացման տարին, ամիսը, ամսաթիվը և վայրը, մրցույթի արդյունքների հրապարակման ամսաթիվը և ժամը.
3) մրցույթի արդյունքում հաղթող ճանաչված մասնակիցների ազգանունները, անունները և հայրանունները:
34. Այն հայտատուների թեկնածությունները, որոնց վերաբերյալ հանձնաժողովը տալիu է դրական եզրակացություն, հանձնաժողովի նախագահի կողմից ներկայացվում են գլխավոր դատախազին, որն իր համար ընդունելի թեկնածություններին ընդգրկում է դատախազների թեկնածությունների ցուցակում:
35. Դատախազների թեկնածությունների ցուցակը դատախազի կողմից հաստատվելուց հետո, այն հրապարակվում է անձնակազմի բաժնի կողմից:
36. Մրցույթի արդյունքները կարող են բողոքարկվել օրենքով սահմանված կարգով:
37. Օրենքով և իրավական այլ ակտերով սահմանված կարգով մրցույթին կարող են ներկա գտնվել մամուլի և զանգվածային լրատվության այլ միջոցների ներկայացուցիչներ, ինչպես նաև՝ հրավիրված դիտորդներ:

 

Դատախազների թեկնածությունների ցուցակը, «Դատախազության մասին» ՀՀ օրենքի 34-րդ հոդվածի համաձայն, կազմում է Հայաստանի Հանրապետության գլխավոր դատախազին առընթեր որակավորման հանձնաժողովը:

 

Դատախազների թեկնածությունների ցուցակը համալրվում է տարին մեկ անգամ` որպես կանոն յուրաքանչյուր տարվա հունվար ամսին, գլխավոր դատախազի կողմից սահմանված կարգով անցկացվող բաց մրցույթի միջոցով: Գլխավոր դատախազի հանձնարարությամբ, դատախազների թեկնածությունների ցուցակում լրացումներ կատարելու համար, տարվա ընթացքում կարող է անցկացվել նաև հավակնորդների լրացուցիչ ստուգում:
Որակավորման հանձնաժողովը, դատախազների թեկնածությունների ցուցակի համալրման նպատակով, հայտերի ընդունման մասին առնվազն մեկ ամիս առաջ հրապարակում է հայտարարություն:

 

Դատախազների թեկնածությունների ցուցակում ընդգրկվել հավակնող անձը պարտավոր է ներկայացնել.

 

1. անձը հաստատող փաստաթուղթ,
2.  բարձրագույն իրավաբանական կրթությունը հաստատող փաստաթուղթ, 
3. հավակնորդի կենսագրական տվյալները պարունակող քարտ` իր կողմից իրավաբանի կոչում ձեռք բերելուց հետո իրականացված մասնագիտական իրավաբանական գործունեության նկարագրությամբ` կցելով համապատասխան ապացույցներ (այդ թվում՝ պաշտոնի անձնագիր կամ այլ փաստաթղթեր, որոնք հավաստում են մասնագիտական իրավաբանական ստաժ դիտարկվող աշխատանքում աշխատանքային պարտականությունները),
4. արական սեռի հավակնորդները՝ պարտադիր զինվորական ծառայություն անցած լինելու կամ օրենքով նախատեսված կարգով պարտադիր զինվորական ծառայությունից ազատված լինելը կամ տարկետում ունենալը հաստատող փաստաթուղթ,
5. դատախազի պաշտոնում նշանակմանը խոչընդոտող ֆիզիկական արատների և հիվանդությունների բացակայության մասին կառավարության կողմից սահմանված կարգով տրված փաստաթուղթ:
6. Հայտատուն իրավունք ունի ներկայացնել նաև երաշխավորագիր-նամակներ:

 

Որակավորման հանձնաժողովը Հայաստանի Հանրապետության դատախազության աշխատակազմից ստանում է  դատախազների թեկնածությունների ցուցակի համալրման նպատակով մրցույթին մասնակցելու համար դիմած քաղաքացիների վերը նշված փաստաթղթերը:

 

Հայտերը ներկայացնելու համար սահմանված ժամկետի խախտմամբ կամ օրենքով նախատեսված պահանջներին չբավարարող հայտերի ընդունումը մերժվում է, և դրանք ենթակա են վերադարձման որակավորման հանձնաժողովի կողմից՝ երեք աշխատանքային օրվա ընթացքում: Որակավորման հանձնաժողովի` հայտի ընդունումը մերժվելու մասին որոշումը հայտատուն կարող է դատական կարգով բողոքարկել  մերժումը ստանալուց երեք աշխատանքային օրվա ընթացքում: Դատարանը գործը քննում և լուծում է այն ստանալու պահից երեք աշխատանքային օրվա ընթացքում: Որակավորման հանձնաժողովի կողմից հայտի ընդունման մերժումը դատական կարգով բողոքարկելը չի կասեցնում հայտերի ընդունման և դատախազների թեկնածությունների ցուցակի կազմման ընթացակարգը: Որակավորման հանձնաժողովի` հայտի ընդունման մերժումը դատարանի կողմից անօրինական ճանաչելու դեպքում հայտատուի հայտը ենթակա է քննարկման որակավորման հանձնաժողովի կողմից:

 

Հայտատուի ներկայացրած փաստաթղթերի ճշտությունը, ամբողջականությունը ստուգելուց հետո՝ որակավորման հանձնաժողովը կայացնում  է որոշում դիմած քաղաքացիներին մրցույթին մասնակցելու թույլտվություն տալու կամ չթույլատրելու մասին: Մրցույթն անցկացվում է հարցազրույցի միջոցով:

 

Յուրաքանչյուր դիմորդի հարցազրույցից անմիջապես հետո որակավորման հանձնաժողովը բաց քվեարկությամբ կայացնում է համապատասխան որոշում: Այն հայտատուների թեկնածությունները, որոնց վերաբերյալ որակավորման հանձնաժողովը տալիս է դրական եզրակացություն, ներկայացվում են գլխավոր դատախազին՝  «Դատախազության մասին» ՀՀ օրենքով սահմանված կարգով դատախազների թեկնածությունների ցուցակում ընդգրկելու համար:

 

Դատախազների թեկնածությունների ցուցակում ընդգրկված անձը գլխավոր դատախազի սահմանած կարգով դատախազության դպրոցում ուսումնառության ծրագիր է անցնում և հանձնում որակավորման քննություն: Որակավորման քննություն չհանձնած անձը հանվում է դատախազների թեկնածությունների ցուցակից:

 

Անձն ազատվում է ուսումնառության դասընթացներից և որակավորման քննություն հանձնելուց, եթե`

 

1) ունի դատախազի, դատավորի, քննիչի պաշտոնում կամ փաստաբանի 3 տարվա մասնագիտական աշխատանքի ստաժ, եթե չի անցել այդ պաշտոնը թողնելուց հետո 5 տարի.
2) իրավաբանական գիտությունների դոկտոր է. 
3)  իրավաբանական գիտությունների թեկնածու է, և ունի իրավաբանի մասնագիտությամբ աշխատանքի 5 տարվա ստաժ:

 

Դատախազության դպրոցում ուսումնառությունից ազատված անձի միջնորդությամբ որակավորման հանձնաժողովը կարող է քննության առնել հայտատուին միաժանակ դատախազների թեկնածությունների և ծառայողական առաջխաղացման ցուցակներում ընդգրկելու հարցը:

 

Դատախազների ծառայողական առաջխաղացման ցուցակը ձեւավորվում է  որակավորման հանձնաժողովի կողմից՝ դատախազների հերթական ատեստացիայի ժամանակ:

Դատախազների թեկնածությունների ցուցակը համալրելու համար անցկացվող բաց մրցույթի հարցաշար

Հայաստանի Հանրապետության Սահմանադրություն


1) Հայաստանի Հանրապետության սահմանադրական կարգի հիմունքները
2) Մարդու և քաղաքացու չսահմանափակվող իրավունքները
3) Մարդու անձնական իրավունքները
4) Մարդու և քաղաքացու քաղաքական իրավունքները
5) Իրավունքների և ազատությունների սահմանափակման հիմքերը
6) Իրավունքների և ազատությունների դատական պաշտպանությունը
7) Մարդու իրավունքների սահմանադրական երաշխիքները
8) Օրենսդիր, գործադիր և դատական իշխանությունները
9) Դատախազության լիազորությունները


Եվրոպական կոնվենցիա և Եվրոպական դատարանի նախադեպային իրավունք


10) Եվրոպական դատարանի որոշումների իրավաբանական բնույթը և նշանակությունը ՀՀ իրավական համակարգում
11) Եվրոպական դատարանի իրավական դիրքորոշումները անմեղության կանխավարկածի իրավունքի վերաբերյալ
12) Եվրոպական դատարանի իրավական դիրքորոշումները խոշտանգումների արգելման վերաբերյալ
13) Եվրոպական դատարանի իրավական դիրքորոշումները գործերը ողջամիտ ժամկետում քննելու վերաբերյալ
14) Եվրոպական դատարանի իրավական դիրքորոշումներն արդար դատաքննության իրավունքի վերաբերյալ

«Դատախազության մասին» Հայաստանի Հանրապետության օրենք


15) Հայաստանի Հանրապետության դատախազության գործունեության սկզբունքները
16) Հայաստանի Հանրապետության դատախազության համակարգը
17) Քրեական հետապնդում հարուցելը
18) Հսկողությունը հետաքննության և նախաքննության օրինականության նկատմամբ
19) Մեղադրանքի պաշտպանությունը դատարանում
20) Դատարանների վճիռների, դատավճիռների և որոշումների բողոքարկումը
21) Դատախազական ակտերը
22) Հայաստանի Հանրապետության դատախազությունում ծառայողական ենթակայությունը
23) Հայաստանի Հանրապետության դատախազության դասային աստիճանները
24) Դատախազին աշխատանքի նշանակման պայմանները և աշխատանքից ազատման հիմքերը
25) Դատախազների իրավունքներն ու պարտականությունները


Հայաստանի Հանրապետության քրեական օրենսգիրք


26) Հանցագործության հասկացությունը
27) Հանցակազմի տարրերը
28) Հանցագործության տեսակները
29) Շարունակվող և տևող հանցագործությունները
30) Հանցագործությունների համակցությունը
31) Հանցագործությունների կրկնակիությունը
32) Հանցագործության օբյեկտի ընդհանուր բնութագիրը
33) Հանցագործության օբյեկտիվ կողմի ընդհանուր բնութագիրը
34) Հանցագործության սուբյեկտի ընդհանուր բնութագիրը
35) Հանցագործության սուբյեկտիվ կողմի ընդհանուր բնութագիրը
36) Ավարտված և չավարտված հանցագործությունները
37) Հանցագործությունից կամովին հրաժարումը
38) Հանցակցության հասկացությունը
39) Հանցակիցների տեսակները
40) Հանցակիցների պատասխանատվությունը, հանցակցի սահմանազանցումը
41) Հանցանքը մի խումբ անձանց, կազմակերպված խմբի կամ հանցավոր համագործակցության կողմից կատարելը
42) Անհրաժեշտ պաշտպանությունը` որպես արարքի հանցավորությունը բացառող հանգամանք
43) Հանցանք կատարած անձին բռնելիս վնաս պատճառելը` որպես արարքի հանցավորությունը բացառող հանգամանք
44) Ծայրահեղ անհրաժեշտությունը` որպես արարքի հանցավորությունը բացառող հանգամանք
45) Պատժի հասկացությունը և նպատակները
46) Պատժի տեսակները, հիմնական և լրացուցիչ պատիժները
47) Պատասխանատվությունը և պատիժը մեղմացնող հանգամանքները
48) Պատասխանատվությունը և պատիժը ծանրացնող հանգամանքները
49) Պատիժ նշանակելը հանցանքների և դատավճիռների համակցությամբ
50) Քրեական պատասխանատվությունից և պատժից ազատելու հիմքերը
51) Համաներման և ներման բնութագիրը
52) Դատվածության բնութագիրը
53) Անչափահասների նկատմամբ նշանակվող պատժի տեսակները և դաստիարակչական բնույթի հարկադրանքի միջոցները
54) Սպանության հասկացությունը, հասարակ սպանության տեսակները և ընդհանուր բնութագիրը
55) Որակյալ սպանությունների տեսակները և նրանց ընդհանուր բնութագիրը
56) Արտոնյալ սպանությունների տեսակները և նրանց ընդհանուր բնութագիրը
57) Ինքնասպանության հասցնելու և ինքնասպանության հակելու քրեաիրավական բնութագիրը
58) Դիտավորությամբ առողջությանը վնաս պատճառելու քրեաիրավական բնութագիրը
59) Մարդուն առևանգելու և ազատությունից ապօրինի զրկելու քրեաիրավական բնութագիրը
60) Բռնաբարության և սեքսուալ բնույթի բռնի գործողությունների քրեաիրավական բնութագիրը
61) Խոշոր չափերով և առանձնապես խոշոր չափերով հափշտակությունը
62) Ավազակային հարձակման քրեաիրավական բնութագիրը
63) Կողոպուտի քրեաիրավական բնութագիրը
64) Գողության քրեաիրավական բնութագիրը
65) Խարդախության քրեաիրավական բնութագիրը
66) Յուրացնելու կամ վատնելու քրեաիրավական բնութագիրը
67) Շորթման քրեաիրավական բնութագիրը
68) Հափշտակության հանցակազմերի ծանրացնող հանգամանքները
69) Հանցավոր ճանապարհով ստացված եկամուտներն օրինականացնելու ¥փողերի լվացումը¤ քրեաիրավական բնութագիրը
70) Առևտրային կաշառքի քրեաիրավական բնութագիրը
71) Մաքսանենգության քրեաիրավական բնութագիրը
72) Ահաբեկչության քրեաիրավական բնութագիրը
73) Պատանդ վերցնելու քրեաիրավական բնութագիրը
74) Բանդիտիզմի քրեաիրավական բնութագիրը
75) Խուլիգանության քրեաիրավական բնութագիրը
76) Պետական իշխանությունը յուրացնելու քրեաիրավական բնութագիրը
77) Պաշտոնեական լիազորությունները չարաշահելու քրեաիրավական բնութագիրը
78) Պաշտոնեական լիազորություններն անցնելու քրեաիրավական բնութագիրը
79) Կաշառք ստանալու և տալու, կաշառքի միջնորդության քրեաիրավական բնութագրերը
80) Ինքնիրավչության քրեաիրավական բնութագիրը
81) Ժամկետային զինվորական կամ այլընտրանքային ծառայությունից, վարժական հավաքներից կամ զորահավաքներից խուսափելու քրեաիրավական բնութագիրը
82) Հանցագործությունը պարտակելու քրեաիրավական բնութագիրը
83) Հանցագործության մասին չհայտնելու քրեաիրավական բնութագիրը
84) Սուտ ցուցմունք կամ կեղծ եզրակացություն տալը կամ ակնհայտ սխալ թարգմանություն կատարելու քրեաիրավական բնութագիրը
85) Ապօրինի ձերբակալելու կամ կալանավորելու քրեաիրավական բնութագիրը
86) Ապացույցները կեղծելու քրեաիրավական բնութագիրը
87) Զինծառայողների փոխհարաբերությունների կանոնագրքային կանոնները խախտելու, նրանց միջև ստորադասության հարաբերությունների բացակայության դեպքում քրեաիրավական բնութագիրը
88) Զորամասը կամ ծառայության վայրն ինքնակամ թողնելու և դասալքության քրեաիրավական բնութագիրը
89) Մարտական հերթապահության կամ մարտական ծառայություն կրելու կանոնները խախտելու քրեաիրավական բնութագիրը
90) Իշխանությունը չարաշահելը, իշխանազանցությունը կամ իշխանության անգործության քրեաիրավական բնութագիրը

Քրեական դատավարության օրենսգիրք


91) Դատախազը որպես քրեական դատավարության սուբյեկտ
92) Քրեական գործերով պաշտպանի պարտադիր մասնակցությունը
93) Անձինք, որոնք չեն կարող կանչվել և հարցաքննվել որպես վկա
94) Վկայի իրավաբանական օգնության իրավունքը
95) Ապացուցման ենթակա հանգամանքները
96) Ապացույցների տեսակները
97) Ձերբակալման հիմքերը և ժամկետները
98) Խափանման միջոց ընտրելու հիմքերը
99) Կալանավորման՝ որպես խափանման միջոցի կիրառման հիմքերը և դատավարական կարգը
100) Ստորագրությունը չհեռանալու մասին խափանման միջոցի կիրառման հիմքերը և դատավարական կարգը
101) Անձնական երաշխավորության կիրառման հիմքերը և դատավարական կարգը
102) Կազմակերպության երաշխավորության կիրառման հիմքերը և դատավարական կարգը
103) Հսկողությանը հանձնելու կիրառման հիմքերը և դատավարական կարգը
104) Հրամանատարության հսկողությանը հանձնելու կիրառման հիմքերը և դատավարական կարգը
105) Խափանման միջոցը փոփոխելու և վերացնելու հիմքերն ու դատավարական կարգը
106) Դատավարական հարկադրանքի այլ միջոցների (պաշտոնավարության ժամանակավոր դադարեցում, բերման ենթարկել) կիրառման հիմքերը և դատավարական կարգը
107) Քրեական գործի հարուցման առիթները և հիմքերը
108) Քրեական գործի վարույթը կամ քրեական հետապնդումը բացառող հանգամանքները
109) Անձին որպես մեղադրյալ ներգրավելու հիմքը և դատավարական կարգը
110) Վկայի և տուժողի հարցաքննության դատավարական կարգը
111) Կասկածյալի և մեղադրյալի հարցաքննության դատավարական կարգը
112) Զննման, արտաշիրմման և քննման դատավարական կարգը
113) Առերեսման դատավարական կարգը
114) Ճանաչման ներկայացնելու դատավարական կարգը
115) Խուզարկության և առգրավման դատավարական կարգը
116) Քննչական փորձարարության դատավարական կարգը
117) Փորձաքննություն նշանակելու և կատարելու դատավարական կարգը
118) Քրեական գործով վարույթի կասեցման հիմքերը
119) Քրեական գործով վարույթի կարճման և քրեական հետապնդման դադարեցման հիմքերը
120) Մեղադրական եզրակացության կառուցվածքը
121) Դատախազի որոշումները մեղադրական եզրակացությամբ ստացված գործով
122) Դատարանի որոշմամբ կատարվող քննչական գործողությունները
123) Դատարանի որոշմամբ կիրառվող դատավարական հարկադրանքի միջոցները
124) Դատարանի որոշմամբ իրականացվող օպերատիվ-հետախուզական միջոցառումները
125) Հետաքննության մարմնի, քննիչի, դատախազի և օպերատիվ-հետախուզական գործունեություն իրականացնող մարմինների անօրինական և անհիմն որոշումների ու գործողությունների բողոքարկումը դատարան
126) Մեղադրանքի պաշտպանությունը դատարանում
127) Դատական քննության արագացված կարգի կիրառման հիմքերը
128) Դատարանի կողմից կիրառվող սանկցիաները
129) Դատական վիճաբանությունների էությունը և մասնակիցները: Ամբաստանյալի վերջին խոսքը
130) Դատավճռի տեսակները
131) Վերաքննիչ դատարանի լիազորությունները
132) Վճռաբեկ բողոքը վարույթ ընդունելը
133) Անչափահասների գործերով վարույթի ընդհանուր բնութագիրը
134) Անմեղսունակների գործով նախաքննությունն ավարտելիս՝ դատախազի կողմից ընդունվող որոշումները
135) Հանձնումը որպես քրեական գործերով իրավական օգնություն ցույց տալու հիմնական տեսակ

Քաղաքացիական օրենսգիրք


136) Քաղաքացիական իրավունքի հասկացությունը և խնդիրները
137) Քաղաքացիական իրավահարաբերությունների ծագման հիմքերը
138) Իրավաբանական անձի հասկացությունը և հատկանիշները
139) Իրավաբանական անձանց տեսակները
140) ՀՀ մարզերի և համայնքների իրավասուբյեկտության առանձնահատկությունները, պետությունը որպես քաղաքացիական իրավահարաբերությունների սուբյեկտ
141) Պետական սեփականության իրավունքի հասկացությունը, ծագման և դադարման հիմքերը, պետական սեփականության իրավունքի օբյեկտները
142) Հողի նկատմամբ սեփականության իրավունքը և այլ գույքային իրավունքները
143) Պետության սեփականությունը հանդիսացող հողամասերի օտարման կարգը: Պետության սեփականությունը հանդիսացող հողամասերն օգտագործման, վարձակալության տրամադրելու հիմքերն ու կարգը
144) Ապօրինի շինարարության և ինքնակամ կառույցի հասկացությունը, կարգավիճակը
145) Սեփականության իրավունքի պաշտպանության քաղաքացիաիրավական եղանակները
146) Գործարքի հասկացությունը, գործարքի տեսակները և ձևը, գործարքի վավերության պայմանները
147) Պարտավորության հասկացությունը, տեսակները և տարրերը
148) Պայմանագիրը փոփոխելը և լուծելը
149) Պարտավորությունների կատարման հասկացությունը, կատարումն ապահովելու միջոցները: Պարտավորությունների դադարումը
150) Քաղաքացիաիրավական պատասխանատվության տեսակները և հիմքերը
151) Վնաս պատճառելու համար պատասխանատվության հիմքերը
152) Անհիմն հարստացման հետևանքով ծագող պարտավորության հասկացությունը և տեսակները:

Քաղաքացիական դատավարության օրենսգիրք


153) Քաղաքացիական դատավարության հասկացությունը և խնդիրները
154) Քաղաքացիական դատավարության փուլերի ընդհանուր բնութագիրը
155) Կողմերի հասկացությունը, նրանց դատավարական իրավունքները և պարտականությունները
156) Երրորդ անձանց հասկացությունը: Վեճի առարկայի նկատմամբ ինքնուրույն պահանջներ ներկայացնող և չներկայացնող երրորդ անձինք
157) Քաղաքացիական դատավարությանը դատախազի մասնակցության հիմքերը: Դատախազի կարգավիճակը քաղաքացիական դատավարությունում
158) Պետական շահերի պաշտպանության հայց հարուցելիս դատախազի իրավունքները
159) Դատախազի կողմից պետական շահերի պաշտպանության հայց հարուցելու հիմքերն ու առիթները, հայցի տեսակները
160) Հայց հարուցելու նպատակով նյութերի նախապատրաստման ընթացքում դատախազի լիազորությունները
161) Պետությանը պատճառված վնասը վերացնելու ուղղությամբ մինչև հայցի հարուցումը դատախազի կողմից ձեռնարկվող միջոցները
162) Քաղաքացիական գործերի ընդդատության հասկացությունը և տեսակները: Առարկայական ընդդատություն
163) Ապացույցների հասկացությունը և դասակարգումը: Ապացույցների տեսակները
164) Հայցային վարույթի հասկացությունը և էությունը
165) Հայցի հասկացությունը: Հայցի տարրերը և հայցի հարուցման իրավունքը
166) Հայցի ապահովում
167) Հայցային վաղեմություն
168) Իրավաբանական նշանակություն ունեցող փաստերի հաստատման գործերի վարույթ
169) Դատական ակտը նոր երևան եկած հանգամանքներով վերանայելու վարույթ
170) Նոր հանգամանքներով վճիռների և որոշումների վերանայման վարույթ
171) Վերաքննիչ վարույթի ընդհանուր բնութագիրը և վերաքննիչ բողոքարկման իրավունքը: Վերաքննիչ բողոք բերելու կարգը
172) Վճռաբեկ վարույթը, վճռաբեկ բողոքարկման իրավունքը: Վճռաբեկ բողոք բերելու կարգը
173) Վճռաբեկ բողոք բերելու հիմքերը
174) Դատախազի կողմից դատական ակտերի բողոքարկումը վերաքննության և վճռաբեկության կարգով
175) Օտարերկրյա դատարանների և արբիտրաժների վճիռների ճանաչումը և կատարումը

ՀՀ վարչական դատավարության օրենսգիրք


176) Վարչական դատավարության հասկացությունը և խնդիրները
177) Վարչական դատարան դիմելու իրավունքը
178) Վարչական դատավարության մասնակիցները
179) Դատական ծանուցումներ
180) Գործ հարուցելու հիմքը և հայցի տեսակները
181) Հայց ներկայացնելու ժամկետները և հայցադիմումին ներկայացվող պահանջները
182) Հայցադիմումը վարույթ ընդունելը, հայցադիմումի ընդունումը մերժելը
183) Հայցադիմումի պատասխան ներկայացնելու կարգը
184) Գործը դատաքննության նախապատրաստելու ընթացքում կատարվող գործողություններ
185) Ապացույցները վարչական դատավարությունում: Լրացուցիչ ապացույցների ընդունումը և հետազոտումը
186) Վարչական դատարանի դատական ակտերը, դրանց ուժի մեջ մտնելը և բողոքարկման կարգը
187) Դատախազի կողմից դատական ակտերի բողոքարկումը
188) Վարչական դատարանի բողոքարկման ենթակա միջանկյալ դատական ակտերը, դրանց դեմ բողոք բերելու իրավունքը և ժամկետները
189) Նորմատիվ իրավական ակտերի իրավաչափությունը վիճարկելու վերաբերյալ գործերի վարույթ
190) Ընտրական իրավունքի պաշտպանության վերաբերյալ գործերի վարույթ
191) Դատական կարգով վարչական պատասխանատվության ենթարկելու մասին գործերի վարույթ
192) Վճարման կարգադրություն արձակելու գործերի վարույթ

«Վարչարարության հիմունքների և վարչական վարույթի մասին» ՀՀ օրենք


193) Վարչարարության հասկացությունը և սկզբունքները
194) Վարչական մարմինները ՀՀ-ում
195) Վարչական վարույթը և այն իրականացնող մարմինները
196) Վարչական վարույթի մասնակիցները, փուլերը և ժամկետները:
197) Վարչական ակտը և դրա տեսակները
198) Վարչական ակտի ձևերը և գրավոր վարչական ակտին ներկայացվող պահանջները
199) Վարչական ակտի որոշակիությունը և հիմնավորվածությունը
200) Վարչական ակտ ընդունելը և ուժի մեջ մտնելը
201) Վարչական ակտի ընդունման մասին իրազեկելը
202) Վարչական ակտի գործողության ժամկետը
203) Վարչական ակտն առոչինչ համարելու հիմքերը և կարգը
204) Վարչական ակտը ոչ իրավաչափ համարելու դեպքերը և հետևանքները
205) Իրավաչափ վարչական ակտի ուժը կորցնելը
206) Վարչական բողոք բերելու հիմքերը և կարգը
207) Վարչական ակտի բողոքարկման ժամկետները
208) Վարչարարությամբ պատճառված վնասի համար պատասխանատվություն կրողը և պատասխանատվության հիմքերը
209) Վարչարարությամբ պատճառված վնասի հատուցումը
210) Ոչ գույքային վնասի հատուցման հիմքերը և կարգը

Պետական շահերի պաշտպանություն


211) Քաղաքացիական դատավարությանը դատախազի մասնակցության հիմքերը: Դատախազի կարգավիճակը քաղաքացիական դատավարությունում
212) Պետական շահերի պաշտպանության հայց հարուցելիս դատախազի իրավունքները
213) Դատախազի կողմից պետական շահերի պաշտպանության հայց հարուցելու հիմքերը և հայցի տեսակները
214) Հայց հարուցելու նպատակով նյութերի նախապատրաստման ընթացքում դատախազի լիազորությունները
215) Պետական շահերին վերաբերող դիմումների քննարկման կարգը
216) Դատախազի կողմից քաղաքացիական և վարչական գործերով դատական ակտերի բողոքարկումը վերաքննության և վճռաբեկության կարգով

Հայաստանի Հանրապետության քրեակատարողական օրենսգիրք


217) Դատապարտյալի հիմնական իրավունքները
218) Դատապարտյալի պարտականությունները
219) Դատապարտյալի առաջարկությունների, դիմումների և բողոքների քննարկման կարգը
220) Դատապարտյալի ուղղման հիմնական միջոցները
221) Ազատությունից զրկելու հետ չկապված պատիժներ սահմանած դատավճիռների կատարման կարգը
222) Տուգանքի կատարումը որպես հիմնական և որպես լրացուցիչ պատիժ
223) Տուգանքներ, հարկադիր կատարում սահմանող դատավճիռների կատարման կարգը, տուգանքներ վճարելու անհնարինության հետևանքները
224) Որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելու կատարումը որպես հիմնական և որպես լրացուցիչ պատիժ
225) Դատավճռով նշանակված լրացուցիչ պատիժների կատարման առանձնահատկությունները
226) Հանրային աշխատանքներ սահմանած դատավճիռների կատարման կարգը, վերահսկողությունը դրա կատարման նկատմամբ և դատապարտյալի պատասխանատվությունը
227) Ազատությունից զրկելու հետ չկապված պատիժներ սահմանող դատավճիռների կատարումը, կարգապահական գումարտակում պահելու կարգը, պայմանները
228) Կալանքի ձևով պատիժ սահմանող դատավճիռների կատարման կարգը, պայմանները
229) ՈՒղղիչ հիմնարկում դատապարտյալներին անջատ պահելը
230) Կանոնակարգն ուղղիչ հիմնարկներում և այն ապահովելու միջոցները
231) Կանոնակարգն ուղղիչ հիմնարկներում՝ արտակարգ իրավիճակի դեպքում
232) Ազատազրկման դատապարտված անձի նկատմամբ կիրառվող խրախուսանքի միջոցները
233) Ազատազրկման դատապարտված անձի նկատմամբ կիրառվող տույժի միջոցները
234) Պատժի կրման պայմանները ուղղիչ հիմնարկներում
235) Ուղղիչ հիմնարկի տեսակները, դրանց տարբերությունը
236) Ուղղիչ հիմնարկի տեսակը փոփոխելու դեպքերը, կարգը
237) Պատժից ազատելու հիմքերը, կարգը, վերահսկողությունը՝ պատժից ազատելու և պայմանականորեն չկիրառելու դեպքերում
238) Բժշկական բնույթի հարկադրանքի միջոցներ կիրառելու կարգը, այդ միջոցները փոփոխելու և դադարեցնելու հիմքերը
239) Դատարանում դատապարտյալին պատժից պայմանական վաղաժամկետ ազատելու վերաբերյալ միջնորդագրի քննարկման առանձնահատկությունները
240) Պատժից պայմանական վաղաժամկետ ազատելու վերաբերյալ դատարանի որոշման բողոքարկման կարգը
241) Ցմահ ազատազրկման դատապարտված անձի՝ պատիժը կրելու առանձնահատկությունները
242) Անչափահաս դատապարտյալի պատիժը կրելու առանձնահատկությունները
243) Վերահսկողությունը և հսկողությունը պատիժները կատարելու նկատմամբ
244) Պատիժը կրելու վայր մուտքի և ելքի կարգը

«Ձերբակալված և կալանավորված անձանց պահելու մասին» ՀՀ օրենք


245) Ձերբակալված կամ կալանավորված անձանց իրավունքները
246) Պաշտպանի, մերձավոր ազգականների և այլ անձանց հետ տեսակցելը
247) Ձերբակալված կամ կալանավորված անձանց կապն արտաքին աշխարհի հետ
248) Ձերբակալված կամ կալանավորված անձանց պարտականությունները
249) Կանանց և անչափահասների արգելանքի կամ կալանքի տակ պահելու առանձնահատկությունները
250) Ձերբակալված անձանց՝ ձերբակալվածների պահելու վայրերում և կալանավորված անձանց՝ կալանավորվածների պահելու վայրերում անջատ պահելը
251) Կալանավորված անձանց նկատմամբ կիրառվող տույժի միջոցները
252) Պատժախցում կալանավորված անձանց պահելու առանձնահատկությունները
253) Ձերբակալված անձանց արգելանքից և կալանավորված անձանց կալանքից ազատելու կարգը
254) Մուտքն ու ելքը ձերբակալվածներին պահելու վայր և կալանավորվածներին պահելու վայր:

 

Դատախազի ատեստավորում անցկացնելու հարցաշարը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԼԽԱՎՈՐ ԴԱՏԱԽԱԶ

ՀՐԱՄԱՆ

 

«25» 09. 2017թ. ,  Երևան   №87

 

Դատախազի ատեստավորում անցկացնելու հարցաշարը հաստատելու մասին

Ի կատարումն Հայաստանի Հանրապետության գլխավոր դատախազի 25.09.2017թ. թիվ 87 հրամանի՝ Դատախազի ատեստավորում անցկացնելու կարգի 27-րդ կետի, հիմք ընդունելով  «Դատախազության մասին» Հայաստանի Հանրապետության օրենքի 10-րդ հոդվածի 1-ին մասի 1-ին և 6-րդ կետերը, 30-րդ հոդվածը, «Իրավական ակտերի մասին» Հայաստանի Հանրապետության օրենքի 72-րդ հոդվածը

 

Հ ր ա մ ա յ ու մ  եմ`

 

1. Հաստատել  դատախազի ատեստավորում անցկացնելու հարցաշարը՝ համաձայն հավելվածի (կցվում է):
2. ՈՒժը կորցրած ճանաչել Հայաստանի Հանրապետության գլխավոր դատախազի 2008 թվականի հոկտեմբերի 20-ի՝ «Դատախազի ատեստավորում անցկացնելու հարցաշարը հաստատելու մասին» N 78 հրամանը:
3. Սույն հրամանի կատարման վերահսկողությունը դնել Հայաստանի Հանրապետության գլխավոր դատախազի՝ Հայաստանի Հանրապետության գլխավոր դատախազին առընթեր որակավորման հանձնաժողովի աշխատանքները համակարգող տեղակալի վրա:
4. Սույն հրամանի պատճենն ուղարկել Հայաստանի Հանրապետության գլխավոր դատախազի տեղակալներին, Հայաստանի Հանրապետության գլխավոր դատախազության վարչությունների պետերին և ավագ դատախազներին, մարզերի, Երևան քաղաքի, Երևան քաղաքի վարչական շրջանների և կայազորների զինվորական դատախազներին, Հայաստանի Հանրապետության դատախազության աշխատակազմի ղեկավարին:

 


Արդարադատության առաջին դասի
խորհրդական Ա. ԴԱՎԹՅԱՆ


Հավելված
ՀՀ գլխավոր դատախազի
2017 թվականի սեպտեմբերի «25»-ի
N 87 հրամանի

 

 

Ծանոթություն
Սույն հարցաշարում ընդգրկված հարցերի լիարժեք պատասխանները պետք է ներառեն դրանց օրենսդրական կարգավորումները, դրանց վերաբերյալ Մարդու իրավունքների եվրոպական դատարանի, Սահմանադրական դատարանի, Վճռաբեկ դատարանի, ՀՀ դատախազության կոլեգիայի որոշումներով և ՀՀ գլխավոր դատախազի հրամաններով սահմանված կանոններն ու դիրքորոշումները:

 

Հ Ա Ր Ց Ա Շ Ա Ր


ԴԱՏԱԽԱԶԻ ԱՏԵՍՏԱՎՈՐՈՒՄ  ԱՆՑԿԱՑՆԵԼՈՒ

 

 

Հայաստանի Հանրապետության Սահմանադրություն

 

1)    Հայաստանի Հանրապետության սահմանադրական կարգի հիմունքները.
2)    Մարդու և քաղաքացու հիմնական իրավունքները.
3)    ՀՀ նախագահի սահմանադրաիրավական կարգավիճակը.
4)    ՀՀ Ազգային ժողովը.
5)    ՀՀ Կառավարությունը.
6)    ՀՀ դատական համակարգը.
7)    ՀՀ Սահմանադրական դատարանը.
8)    ՀՀ դատախազության սահմանադրաիրավական կարգավիճակը:

 

Եվրոպական կոնվենցիա և Եվրոպական դատարանի նախադեպային իրավունք

 

9)    Եվրոպական դատարանի որոշումների իրավաբանական բնույթը և նշանակությունը ՀՀ իրավական համակարգում.
10)    Եվրոպական դատարանի իրավական դիրքորոշումները կյանքի իրավունքի վերաբերյալ.
11)    Եվրոպական դատարանի իրավական դիրքորոշումները խոշտանգումների արգելման վերաբերյալ.
12)    Եվրոպական դատարանի իրավական դիրքորոշումները ազատության և անձնական անձեռնմխելիության իրավունքի վերաբերյալ.
13)    Եվրոպական դատարանի իրավական դիրքորոշումները արդար դատաքննության իրավունքի վերաբերյալ. քրեական մեղադրանք հասկացությունը.
14)    Եվրոպական դատարանի իրավական դիրքորոշումները արդար դատաքննության իրավունքի վերաբերյալ. գործերի քննությունը ողջամիտ ժամկետում.
15)    Եվրոպական դատարանի իրավական դիրքորոշումները արդար դատաքննության իրավունքի վերաբերյալ. դատաքննության հրապարակայնությունը.
16)    Եվրոպական դատարանի իրավական դիրքորոշումները արդար դատաքննության իրավունքի վերաբերյալ. անմեղության կանխավարկած.
17)    Մեղադրյալի նվազագույն իրավունքները.
18)    Եվրոպական դատարանի իրավական դիրքորոշումները քրեական գործերով գանգատարկման իրավունքի վերաբերյալ:

 

«Դատախազության մասին» Հայաստանի Հանրապետության օրենք

 

19)    Հայաստանի Հանրապետության դատախազության գործունեության սկզբունքները.
20)    Հայաստանի Հանրապետության դատախազության համակարգը.
21)    ՀՀ գլխավոր դատախազը.
22)    Քրեական հետապնդում հարուցելը.
23)    Հսկողությունը հետաքննության և նախաքննության օրինականության նկատմամբ.
24)    Մեղադրանքի պաշտպանությունը դատարանում.
25)    Դատարանների վճիռների, դատավճիռների և որոշումների բողոքարկումը.
26)    Հսկողությունը պատիժների և հարկադրանքի այլ միջոցների կիրառման օրինականության նկատմամբ.
27)    Պետական շահերի պաշտպանությունը.
28)    Դատախազական ակտերը.
29)    Հայաստանի Հանրապետության դատախազությունում ծառայողական ենթակայությունը և դասային աստիճանները.
30)    Դատախազի իրավունքներն ու պարտականությունները.
31)    Դատախազի խրախուսումն ու կարգապահական պատասխանատվությունը:

 

Հայաստանի Հանրապետության քրեական օրենսգիրք

 

32)    ՀՀ քրեական օրենսդրության սկզբունքները.
33)    Քրեական օրենքի գործողությունը ժամանակի ընթացքում և տարածության մեջ.
34)    Հանցագործության հասկացությունը և հատկանիշները.
35)    Հանցագործության տեսակները. շարունակվող և տևող հանցագործությունները.
36)    Հանցակազմի տարրերը.
37)    Հանցագործության օբյեկտի ընդհանուր բնութագիրը.
38)    Հանցագործության օբյեկտիվ կողմի ընդհանուր բնութագիրը.
39)    Հանցագործության սուբյեկտի ընդհանուր բնութագիրը.
40)    Անմեղսունակություն և սահմանափակ մեղսունակություն.
41)    Հանցագործության սուբյեկտիվ կողմի ընդհանուր բնութագիրը.
42)    Առանց մեղքի վնաս պատճառելը.
43)    Հանցագործությունների համակցությունը.
44)    Հանցագործությունների ռեցիդիվը.
45)    Ավարտված և չավարտված հանցագործությունները.
46)    Հանցագործությունից կամովին հրաժարումը.
47)    Հանցակցության հասկացությունը և հատկանիշները.
48)    Հանցակիցների տեսակները.
49)    Հանցակիցների պատասխանատվությունը, հանցակցի սահմանազանցումը.
50)    Հանցանքը մի խումբ անձանց, կազմակերպված խմբի կամ հանցավոր համագործակցության կողմից կատարելը.
51)    Անհրաժեշտ պաշտպանությունը` որպես արարքի հանցավորությունը բացառող հանգամանք.
52)    Հանցանք կատարած անձին բռնելիս վնաս պատճառելը որպես արարքի հանցավորությունը բացառող հանգամանք.
53)    Ծայրահեղ անհրաժեշտությունը` որպես արարքի հանցավորությունը բացառող հանգամանք.
54)    Ֆիզիկական կամ հոգեկան հարկադրանքը որպես արարքի հանցավորությունը բացառող հանգամանք.
55)    Հրաման կամ կարգադրություն կատարելը որպես արարքի հանցավորությունը բացառող հանգամանք.
56)    Պատժի հասկացությունը և նպատակները.
57)    Պատժի տեսակները, հիմնական և լրացուցիչ պատիժները.
58)    Պատասխանատվությունը և պատիժը մեղմացնող հանգամանքները.
59)    Պատասխանատվությունը և պատիժը ծանրացնող հանգամանքները.
60)    Պատիժ նշանակելը հանցանքների և դատավճիռների համակցությամբ.
61)    Հանցակիցների պատասխանատվությունը.
62)    Քրեական պատասխանատվությունից և պատժից ազատելու հիմքերը.
63)    Պատիժը պայմանականորեն չկիրառելը և օրենքով նախատեսվածից ավելի մեղմ պատիժ նշանակելը.
64)    Համաներման և ներման բնութագիրը.
65)    Դատվածության բնութագիրը.
66)    Անչափահասների քրեական պատասխանատվության և պատժի առանձնահատկությունները.
67)    Սպանության հասկացությունը, հասարակ սպանության տեսակները և ընդհանուր բնութագիրը.
68)    Որակյալ սպանությունների տեսակները և նրանց ընդհանուր բնութագիրը.
69)    Արտոնյալ սպանությունների տեսակները և նրանց ընդհանուր բնութագիրը.
70)    Ինքնասպանության հասցնելու և ինքնասպանության հակելու քրեաիրավական բնութագիրը.
71)    Դիտավորությամբ առողջությանը վնաս պատճառելու քրեաիրավական բնութագիրը.
72)    Մարդուն առևանգելու և ազատությունից ապօրինի զրկելու քրեաիրավական բնութագիրը.
73)    Բռնաբարության և սեքսուալ բնույթի բռնի գործողությունների քրեաիրավական բնութագիրը.
74)    Աշխատանքի պաշտպանության կանոնները խախտելը.
75)    Հափշտակության հասկացությունը.
76)    Ավազակության հարձակման քրեաիրավական բնութագիրը.
77)    Գողության և կողոպուտի քրեաիրավական բնութագիրը.
78)    Խարդախության և խաբեության կամ վստահությունը չարաշահելու եղանակով գույքային վնաս պատճառելու քրեաիրավական բնութագիրը.
79)    Յուրացնելու կամ վատնելու քրեաիրավական բնութագիրը.
80)    Շորթման քրեաիրավական բնութագիրը.
81)    Հանցավոր ճանապարհով ստացված եկամուտներն օրինականացնելու (փողերի լվացումը) քրեաիրավական բնութագիրը.
82)    Առևտրային կաշառքի քրեաիրավական բնութագիրը.
83)    Ահաբեկչության քրեաիրավական բնութագիրը.
84)    Պատանդ վերցնելու քրեաիրավական բնութագիրը.
85)    Բանդիտիզմի քրեաիրավական բնութագիրը.
86)    Ճանապարհային երթևեկության և տրանսպորտային միջոցների շահագործման կանոնները խախտելու քրեաիրավական բնութագիրը.
87)    Խուլիգանության քրեաիրավական բնութագիրը.
88)    Դիակը կամ թաղման վայրերն անարգանքի ենթարկելը.
89)    Թմրամիջոցների, հոգեմետ նյութերի և դրանց պրեկուրսորների ապօրինի շրջանառությունն իրացնելու նպատակով կամ դրանք ապօրինի իրացնելը.
90)    Պետական իշխանությունը յուրացնելու քրեաիրավական բնութագիրը.
91)    Պաշտոնեական լիազորությունները չարաշահելու քրեաիրավական բնութագիրը.
92)    Պաշտոնեական լիազորություններն անցնելու քրեաիրավական բնութագիրը.
93)    Խոշտանգման քրեաիրավական բնութագիրը.
94)     Կաշառք ստանալու և տալու, կաշառքի միջնորդության քրեաիրավական բնութագրերը.
95)    Իշխանության ներկայացուցչի նկատմամբ բռնություն գործադրելը.
96)    Ինքնիրավչությունը.
97)    Ժամկետային զինվորական կամ այլընտրանքային ծառայությունից, վարժական հավաքներից կամ զորահավաքներից խուսափելու քրեաիրավական բնութագիրը.
98)    Սուտ մատնությունը.
99)    Հանցագործությունը պարտակելը.
100)    Հանցագործության մասին չհայտնելը.
101)    Սուտ ցուցմունք կամ կեղծ եզրակացություն տալը կամ ակնհայտ սխալ թարգմանություն կատարելը.
102)    Դատարանի նկատմամբ անհարգալից վերաբերմունքը.
103)    Արգելանքի տակ գտնվող կամ բռնագրավման ենթակա գույքի նկատմամբ ապօրինի գործողությունները.
104)    Ապօրինի ձերբակալելու կամ կալանավորելու քրեաիրավական բնութագիրը.
105)    Ապացույցները կեղծելու քրեաիրավական բնութագիրը.
106)    Զինծառայողների միջև ստորադասության հարաբերությունների բացակայության դեպքում նրանց փոխհարաբերությունների կանոնագրքային կանոնները խախտելու քրեաիրավական բնութագիրը.
107)    Զորամասը կամ ծառայության վայրն ինքնակամ թողնելու և դասալքության քրեաիրավական բնութագիրը.
108)    Մարտական հերթապահության կամ մարտական ծառայություն կրելու կանոնները խախտելու քրեաիրավական բնութագիրը.
109)    Իշխանությունը չարաշահելը, իշխանազանցությունը կամ իշխանության անգործության քրեաիրավական բնութագիրը:

 

Քրեական դատավարության օրենսգիրք

 

110)    «Վերջնական որոշում» և «գործն ըստ էության լուծող դատական ակտ» հասկացությունները.
111)    «Քրեական հետապնդում» և «մեղադրանք» հասկացությունները: Քրեական հետապնդում հարուցելը և այն դադարեցնելը.
112)    «Բնակարան» հասկացությունը.
113)    Քրեական դատավարության սկզբունքները, կրկին անգամ դատվելու անթույլատրելիությունը.
114)    Մեղադրանքի կողմը ՀՀ քրեական դատավարությունում.
115)    Պաշտպանության կողմը ՀՀ քրեական դատավարությունում.
116)    Ներկայացուցիչները և իրավահաջորդները ՀՀ քրեական դատավարությունում.
117)    Քրեական դատավարությանը մասնակցող այլ անձինք ՀՀ քրեական դատավարությունում.
118)    Անձանց բացարկելը և քրեական դատավարությանը մասնակցելուց ազատելը.
119)    Քրեական դատավարությանը մասնակցող անձանց պաշտպանությունը.
120)    Դատավարության մասնակից ճանաչելու պահանջի իրավունքը.
121)    Միջնորդությունների և պահանջների՝ քննության առնելու պարտադիր լինելը.
122)    Դատավարական գործողությունների և որոշումների բողոքարկման ազատությունը.
123)    Ապացույցների հասկացությունը, որպես ապացույց չթույլատրվող նյութերը.
124)    Օպերատիվ-հետախուզական միջոցառումների արդյունքները՝ որպես ապացույց.
125)    Ապացուցման ենթակա հանգամանքները. որոշակի ապացույցների առկայությամբ հաստատվող հանգամանքները.
126)    Ապացույցների տեսակները.
127)    Ձերբակալման հասկացությունը և տեսակները.
128)    Ձերբակալման հիմքերն ու դատավարական կարգը.
129)    Խափանման միջոց ընտրելու հիմքերը.
130)    Կալանավորման՝ որպես խափանման միջոցի կիրառման հիմքերը և դատավարական կարգը.
131)    Ստորագրություն չհեռանալու մասին խափանման միջոցի կիրառման հիմքերը և դատավարական կարգը.
132)    Անձնական երաշխավորության և կազմակերպության երաշխավորության կիրառման հիմքերն ու դատավարական կարգը.
133)    Հսկողությանը հանձնելը և հրամանատարության հսկողությանը հանձնելը.
134)    Խափանման միջոցը փոփոխելու և վերացնելու հիմքերն ու դատավարական կարգը.
135)    Դատավարական հարկադրանքի այլ միջոցների  (պաշտոնավարության ժամանակավոր դադարեցում, բերման ենթարկել) կիրառման հիմքերը և դատավարական կարգը.
136)    Քաղաքացիական հայցը քրեական դատավարությունում.
137)    Դատական ծախսերը.
138)    Դատավարական ժամկետները.
139)    Քրեական գործի հարուցման առիթները և հիմքերը.
140)    Քրեական գործի վարույթը կամ քրեական հետապնդումը բացառող հանգամանքները.
141)    Նախնական քննության ընդհանուր պայմանները.
142)    Անձին որպես մեղադրյալ ներգրավելու հիմքը և դատավարական կարգը.
143)    Վկայի և տուժողի հարցաքննության դատավարական կարգը.
144)    Կասկածյալի և մեղադրյալի հարցաքննության դատավարական կարգը.
145)    Զննման, արտաշիրմման և քննման դատավարական կարգը.
146)    Առերեսման դատավարական կարգը.
147)    Ճանաչման ներկայացնելու դատավարական կարգը.
148)    Խուզարկության և առգրավման դատավարական կարգը.
149)    Քննչական փորձարարության դատավարական կարգը.
150)    Փորձաքննություն նշանակելու և կատարելու դատավարական կարգը.
151)    Քրեական գործով վարույթի կասեցման հիմքերը և դատավարական կարգը.
152)    Քրեական գործով վարույթի կարճման դատավարական կարգը.
153)    Մեղադրական եզրակացության կառուցվածքը.
154)    Դատախազի որոշումները մեղադրական եզրակացությամբ ստացված գործով.
155)    Դատարանի որոշմամբ կատարվող քննչական գործողությունները.
156)    Դատարանի որոշմամբ կիրառվող դատավարական հարկադրանքի միջոցները.
157)    Դատավարական հարկադրանքի միջոցների կիրառման նկատմամբ դատական վերահսկողությունը.
158)    Դատարանի որոշմամբ իրականացվող օպերատիվ-հետախուզական միջոցառումները.
159)    Օպերատիվ-հետախուզական միջոցառումների իրականացման նկատմամբ դատական վերահսկորությունը.
160)    Քրեական հետապնդման և օպերատիվ-հետախուզական գործունեություն իրականացնող մարմինների որոշումների և գործողությունների (անգործության) օրինականության նկատմամբ դատական վերահսկողությունը.
161)    Քրեական գործի հարուցումը մերժելու մասին որոշման բողոքարկումը.
162)    Քրեական գործով վարույթը կարճելու, քրեական հետապնդում չիրականացնելու և քրեական հետապնդումը դադարեցնելու մասին որոշումների բողոքարկումը.
163)    Դատական քննության նախապատրաստելը.
164)    Դատական քննության ընդհանուր պայմանները.
165)    Դատաքննություն.
166)    Դատախազի լիազորությունները գործը կամ նյութը դատարանում քննելիս, մեղադրանքի պաշտպանությունը դատարանում.
167)    Մեղադրողի կողմից մեղադրանքը փոփոխելը.
168)    Մեղադրանքից հրաժարվելը և դրա հետևանքները.
169)    Դատական քննության արագացված կարգի կիրառման հիմքերը և պայմանները.
170)    Դատական վիճաբանությունների էությունը և մասնակիցները: Ամբաստանյալի վերջին խոսքը.
171)    Դատավճռի տեսակները.
172)    Դատավճռի կառուցվածքը և հատկանիշները.
173)    Վերաքննիչ բողոք բերելու սուբյեկտները և դատավարական կարգը.
174)    Վերաքննիչ բողոքարկման ենթակա դատական ակտերը և բողոքարկման ժամկետները.
175)    Վերաքննության սահմանները.
176)    Վերաքննիչ դատարանի լիազորությունները.
177)    Դատական ակտերի բեկանման և փոփոխման հիմքերը.
178)    Վճռաբեկ բողոքարկման սուբյեկտները, ժամկետները և կարգը.
179)    Վճռաբեկ բողոքը վարույթ ընդունելը.
180)    Վճռաբեկ դատարանի լիազորությունները.
181)    Անչափահասների գործերով վարույթի առանձնահատկությունները.
182)    Անմեղսունակների գործով վարույթի առանձնահատկությունները.
183)    Դատական ակտերի վերանայումը նոր և նոր երևան եկած հանգամանքներով.
184)    Հանձնումը որպես քրեական գործերով իրավական օգնության հիմնական տեսակ:

 

Քրեագիտություն

 

185)    Քննչական վարկածները.
186)    Դեպքի վայրի զննության մարտավարությունը.
187)    Խուզարկության մարտավարությունը.
188)    Կասկածյալի և մեղադրյալի հարցաքննության մարտավարությունը.
189)    Դիակի դատաբժշկական փորձաքննությամբ լուծվող հանգամանքները և փորձագետին առաջադրվող հարցերը.
190)    Անձանց դատաբժշկական փորձաքննությամբ պարզվող հանգամանքները և փորձագետին առաջադրվող հարցերը.
191)    Դատաձեռագրաբանական և դատափաստաթղթաբանական փորձաքննություններով պարզվող հանգամանքները և փորձագետին առաջադրվող հարցերը.
192)    Հետքաբանական փորձաքննությամբ պարզվող հանգամանքները և փորձագետին առաջադրվող հարցերը.
193)    Դատաձգաբանական փորձաքննությամբ լուծվող հարցերը.
194)    Դատաավտոտեխնիկական փորձաքննությամբ պարզվող հանգամանքները և փորձագետին առաջադրվող հարցերը.
195)     Սպանությունների քննության մեթոդիկան.
196)    Գողությունների քննության մեթոդիկան.
197)    ՃԵԿ խախտումների վերաբերյալ գործերի քննության մեթոդիկան:

 

Քաղաքացիական օրենսգիրք

 

198)    Քաղաքացիական իրավունքի հասկացությունը և խնդիրները.
199)    Քաղաքացիական իրավահարաբերությունների ծագման հիմքերը.
200)    Իրավաբանական անձի հասկացությունը և հատկանիշները.
201)    Իրավաբանական անձանց տեսակները.
202)    Հայաստանի Հանրապետության և համայնքների իրավասուբյեկտության առանձնահատկությունները.
203)    Պետական և համայնքային կառավարչական հիմնարկների, ոչ առևտրային կազմակերպությունների իրավական կարգավիճակի առանձնահատկությունները.
204)    Պետական և համայնքային սեփականության իրավունքի հասկացությունը, ծագման և դադարման հիմքերը, պետական սեփակա¬նու¬թյան իրավունքի օբյեկտները.
205)    Հողի նկատմամբ սեփականության իրավունքը և այլ գույքային իրավունքները.
206)    Պետության և համայնքային սեփականություն հանդիսացող հողամասերի օտարման կարգը: Պետության սեփականություն հանդիսացող հողամասերն օգտագործման, վարձակալության տրամադրելու հիմքերն ու կարգը.
207)    Ապօրինի շինարարության և ինքնակամ կառույցի հասկացությունը, կարգավիճակը.
208)    Սեփականության իրավունքի պաշտպանության քաղաքացիաիրավական եղանակ¬ները.
209)    Գործարքի հասկացությունը, գործարքի տեսակները և ձևը, գործարքի վավերու-թյան պայմանները.
210)    Հայցային վաղեմություն.
211)    Պարտավորության հասկացությունը, տեսակները և տարրերը.
212)    Պայմանագիրը փոփոխելը և լուծելը.
213)    Պարտավորությունների կատարման հասկացությունը, կատարումն ապահովելու միջոցները: Պարտավորությունների դադարումը.
214)    Քաղաքացիաիրավական պատասխանատվության տեսակները և հիմքերը.
215)    Վնաս պատճառելու համար պատասխանատվության հիմքերը.
216)    Անհիմն հարստացման հետևանքով ծագող պարտավորության հասկացությունը և տեսակները:

 

Քաղաքացիական դատավարության օրենսգիրք

 

217)    Քաղաքացիական դատավարության հասկացությունը և խնդիրները.
218)    Քաղաքացիական դատավարության փուլերի ընդհանուր բնութագիրը.
219)    Կողմերի հասկացությունը, նրանց դատավարական իրավունքները և պարտականությունները.
220)    Երրորդ անձանց հասկացությունը: Վեճի առարկայի նկատմամբ ինքնուրույն պահանջներ ներկայացնող և չներկայացնող երրորդ անձինք.
221)    Քաղաքացիական դատավարությանը դատախազի մասնակցության հիմքերը: Դատախազի կարգավիճակը քաղաքացիական դատավարությունում.
222)    Քաղաքացիական գործերի ընդդատության հասկացությունը և տեսակները.
223)    Ապացույցների հասկացությունը և դասակարգումը: Ապացույցների տեսակները.
224)    Ապացուցման բեռը քաղաքացիական դատավարությունում.
225)    Հայցային վարույթի հասկացությունը և էությունը.
226)    Հայցի հասկացությունը: Հայցի տարրերը և հայցի հարուցման իրավունքը.
227)    Հայցի ապահովում.
228)    Իրավաբանական նշանակություն ունեցող փաստերի հաստատման գործերի վարույթ.
229)    Դատական ակտը նոր երևան եկած հանգամանքներով վերանայելու վարույթ.
230)    Նոր հանգամանքներով վճիռների և որոշումների վերանայման վարույթ.
231)    Վերաքննիչ վարույթի ընդհանուր բնութագիրը և վերաքննիչ բողոքարկման իրավունքը: Վերաքննիչ բողոք բերելու կարգը.
232)    Վճռաբեկ վարույթը, վճռաբեկ բողոքարկման իրավունքը: Վճռաբեկ բողոք բերելու կարգը.
233)    Վճռաբեկ բողոք բերելու հիմքերը.
234)    Դատախազի կողմից դատական ակտերի բողոքարկումը վերաքննության և վճռաբեկության կարգով.
235)    Օտարերկրյա դատարանների և արբիտրաժների վճիռների ճանաչումը և կատարումը:

 

ՀՀ վարչական դատավարության օրենսգիրք

 

236)     Վարչական դատավարության հասկացությունը և խնդիրները.
237)    Վարչական դատարան դիմելու իրավունքը.
238)     Վարչական դատավարության մասնակիցները.
239)     Գործ հարուցելու հիմքը և հայցի տեսակները.
240)     Հայց ներկայացնելու ժամկետները և հայցադիմումին ներկայացվող պահանջները.
241)     Հայցադիմումը վարույթ ընդունելը, հայցադիմումի ընդունումը մերժելը.
242)     Հայցադիմումի պատասխան ներկայացնելու կարգը.
243)     Ապացույցները վարչական դատավարությունում: Լրացուցիչ ապացույցների ընդունումը և հետազոտումը.
244)    Ապացուցման բեռը վարչական դատավարությունում.
245)     Վարչական դատարանի դատական ակտերը, դրանց ուժի մեջ մտնելը և բողոքարկման կարգը.
246)    Դատախազի կողմից դատական ակտերի բողոքարկումը.
247)     Վարչական դատարանի բողոքարկման ենթակա միջանկյալ դատական ակտերը, դրանց դեմ բողոք բերելու իրավունքը և ժամկետները.
248)     Դատական կարգով վարչական պատասխանատվության ենթարկելու մասին գործերի վարույթ:

 

«Վարչարարության հիմունքների և վարչական վարույթի մասին» ՀՀ օրենք

 

249)    Վարչարարության հասկացությունը և սկզբունքները.
250)     Վարչական մարմինները ՀՀ-ում.
251)     Վարչական վարույթը և այն իրականացնող մարմինները.
252)     Վարչական վարույթի մասնակիցները, փուլերը և ժամկետները.
253)     Վարչական ակտը և դրա տեսակները.
254)     Վարչական ակտի ձևերը և գրավոր վարչական ակտին ներկայացվող պահանջները.
255)     Վարչական ակտի որոշակիությունը և հիմնավորվածությունը.
256)     Վարչական ակտ ընդունելը և ուժի մեջ մտնելը.
257)     Վարչական ակտի ընդունման մասին իրազեկելը.
258)     Վարչական ակտի գործողության ժամկետը.
259)     Վարչական ակտն առոչինչ համարելու հիմքերը և կարգը.
260)     Վարչական ակտը ոչ իրավաչափ համարելու դեպքերը և հետևանքները.
261)     Իրավաչափ վարչական ակտի ուժը կորցնելը.
262)     Վարչական բողոք բերելու հիմքերը և կարգը.
263)     Վարչական ակտի բողոքարկման ժամկետները.
264)     Վարչարարությամբ պատճառված վնասի համար պատասխանատվություն կրողը և պատասխանատվության հիմքերը.
265)     Վարչարարությամբ պատճառված վնասի հատուցումը.
266)    Անբողոքարկելի վարչական ակտերի կատարումը:

 

Պետական շահերի պաշտպանություն

 

267)    Քաղաքացիական և վարչական  դատավարությունում    դատախազի կարգավիճակը և մասնակցության հիմքերը.
268)    Պետական շահերի պաշտպանության հայց հարուցելիս դատախազի իրավունքները.
269)    Դատախազի կողմից պետական շահերի պաշտպանության հայց հարուցելու հիմքերը և հայցի տեսակները.
270)    Հայց հարուցելու նպատակով նյութերի նախապատրաստման ընթացքում դատախազի լիազորությունները.
271)    Կատարողական վարույթի հարուցման հիմքերը և կարգը.
272)    Կատարողական վարույթի հարուցման ժամկետները.
273)    Հարկադիր կատարողի որոշումները և դրանց բողոքարկումը:

 

Հայաստանի Հանրապետության քրեակատարողական օրենսգիրք

 

274)    Դատապարտյալի հիմնական իրավունքները.
275)    Դատապարտյալի կապն արտաքին աշխարհի հետ.
276)    Դատապարտյալին տեսակցություններ տրամադրելու կարգն ու պայմանները.
277)    Դատապարտյալին կարճաժամկետ մեկնում տրամադրելու կարգն ու պայմանները
278)    Դատապարտյալի պարտականություններն ու նյութական պատասխանատվությունը
279)    Դատապարտյալի աշխատանքն ուղղիչ հիմնարկում՝ կարգն ու պայմանները.
280)    Տուգանք պատժատեսակի կատարման կարգը, տուգանքը վճարելու անհնարինությունը, տուգանքի վճարումից չարամտորեն խուսափելն ու դրանց հետևանքները.
281)    Որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելու պատժատեսակի՝ որպես հիմնական և լրացուցիչ պատիժ, կատարման կարգն ու առանձնահատկությունները.
282)    Լրացուցիչ պատիժների (հատուկ կամ զինվորական կոչումից, կարգից, աստիճանից կամ որակավորման դասից զրկելը, գույքի բռնագրավումը) կատարման կարգն ու առանձնահատկությունները.
283)    Հանրային աշխատանքներ պատժատեսակի կատարման կարգն ու առանձնահատկությունները.
284)    Կարգապահական գումարտակում պահելու կարգն ու առանձնահատկությունները.
285)    Կալանք պատժատեսակի կատարման կարգն ու առանձնահատկությունները.
286)    Ուղղիչ հիմնարկում դատապարտյալներին անջատ պահելու կանոնները.
287)    Քրեակատարողական հիմնարկների ներքին կանոնակարգը.
288)    Ազատազրկման դատապարտված անձի նկատմամբ կիրառվող խրախուսանքի միջոցները.
289)    Ազատազրկման դատապարտված անձի նկատմամբ կիրառվող տույժի միջոցները.
290)    Ազատազրկման դատապարտված անձի կողմից պատիժը կրելու սահմանված կարգի չարամիտ խախտումները.
291)    Պատժի կրման առանձնահատկություններն ըստ ուղղիչ հիմնարկի տեսակի.
292)    Ուղղիչ հիմնարկների տեսակները, դրանց առանձնահատկություններն ու ուղղիչ հիմնարկի տեսակը փոփոխելու կարգը.
293)    Պատժից ազատելու հիմքերը, կարգը, վերահսկողությունը պատժից ազատելու և պատիժը պայմանականորեն չկիրառելու դեպքերում.
294)    Բժշկական բնույթի հարկադրանքի միջոցներ կիրառելու կարգը, այդ միջոցները փոփոխելու և դադարեցնելու հիմքերը.
295)    Դատապարտյալին պատժից պայմանական վաղաժամկետ ազատելու գործընթացը.
296)    Պատժի չկրած մասն ավելի մեղմ պատժով փոխարինելու կարգն ու պայմանները.
297)    Ուղղիչ հիմնարկի վարչակազմի պարտականություններն ազատվող դատապարտյալի աշխատանքն ու կենցաղը կարգավորելու հարցում
298)    Ցմահ ազատազրկման դատապարտված անձի՝ պատիժը կրելու առանձնահատկությունները.
299)    Անչափահաս դատապարտյալի պատիժը կրելու առանձնահատկությունները.
300)    Վերահսկողությունը և հսկողությունը պատիժները կատարելու նկատմամբ.
301)    Պատիժների և հարկադրանքի այլ միջոցների կիրառման օրինականության նկատմամբան դատախազական հսկողության առանձնահատկությունները.
302)    Ուղղիչ հիմնարկի պետի որոշումների կասեցման կարգն ու պայմանները.
303)    Պատիժը կրելու վայր մուտքի և ելքի կարգը:

 

«Ձերբակալված և կալանավորված անձանց պահելու մասին» ՀՀ օրենք

 

304)    Ձերբակալված կամ կալանավորված անձանց հիմնական իրավունքները.
305)    Պաշտպանի, մերձավոր ազգականների և այլ անձանց հետ տեսակցելը.
306)    Ձերբակալված կամ կալանավորված անձանց կապն արտաքին աշխարհի հետ.
307)    Ձերբակալված կամ կալանավորված անձանց պարտականությունները.
308)    Կանանց և անչափահասների արգելանքի կամ կալանքի տակ պահելու առանձնահատկությունները.
309)    Ձերբակալված անձանց՝ ձերբակալվածների պահելու վայրերում և կալանավորված անձանց՝ կալանավորվածների պահելու վայրերում անջատ պահելու սկզբունքը.
310)    Կալանավորված անձանց նկատմամբ կիրառվող տույժի և խրախուսանքի միջոցները.
311)    Պատժախցում կալանավորված անձանց պահելու առանձնահատկությունները.
312)    Ձերբակալված անձանց արգելանքից և կալանավորված անձանց կալանքից ազատելու կարգը.
313)    Մուտքն ու ելքը ձերբակալվածներին և կալանավորվածներին պահելու վայրեր:

 

 

Դատախազի վարքագծի կանոնագիրք

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԼԽԱՎՈՐ ԴԱՏԱԽԱԶ

ՀՐԱՄԱՆ

 

«30» 05. 2007թ. ,  Երևան   №17

 

«Դատախազի վարքագծի կանոնագիրքը» հաստատելու մասին

 

Դատախազության գործունեությունում կոռուպցիոն ռիսկերի նվազեցման և պաշտոնեական պարտականությունների բարեխիղճ կատարման համար անհրաժեշտ իրավական երաշխիքներ սահմանելու նպատակով, «Դատախազության մասին» Հայաստանի Հանրապետության օրենքի 10-րդ հոդվածի 1-ին մասի 7-րդ կետի, 30-րդ հոդվածի, 42-րդ հոդվածի 1-ին մասի 9-րդ կետի և 66-րդ հոդվածի 8-րդ մասի համաձայն,

 

 Հրամայում եմ`

 

1.Հաստատել «Դատախազի վարքագծի կանոնագիրքը» /կցվում է/:

2.Հայաստանի Հանրապետության գլխավոր դատախազության կադրերի բաժնին՝ «Դատախազի վարքագծի կանոնագիրքը» ստորագրությամբ հանձնել դատախազներին:

3.Ուժը կորցրած ճանաչել Հայաստանի Հանրապետության գլխավոր դատախազի 2005թ. մարտի 9-ի «Հայաստանի Հնարապետության դատախազության աշխատակցի վարքագծի կանոնագիրքը հաստատելու մասին» թիվ 6 հրամանը:

 

Արդարադատության պետական խորհրդական` Ա.Գ.Հովսեփյան

 

Հավելված
ՀՀ գլխավոր դատախազի
«30» _05 _ 2007 թ.
N 17 հրամանի

 

ԴԱՏԱԽԱԶԻ ՎԱՐՔԱԳԾԻ ԿԱՆՈՆԱԳԻՐՔ

1. ԸՆԴՀԱՆՈՒՐ ԴՐՈՒՅԹՆԵՐ

 

1. «Դատախազի վարքագծի կանոնագիրքը» պայմանավորված է իրավական պետության և քաղաքացիական հասարակության կայացման գործում դատախազական գործունեության կարևորության գիտակցմամբ, ազգային բարոյա-հոգեբանական ու իրավական ավանդույթների պահպանմամբ և միջազգային իրավունքի սկզբունքներին համապատասխան դատախազական գործունեության չափանիշների արմատավորման անհրաժեշտությամբ, ժողովրդավարության և օրենքի գերակայության սահմանադրական սկզբունքների, Մարդու իրավունքների համընդհանուր հռչակագրի, «Մարդու իրավունքների և հիմնարար ազատությունների պաշտպանության մասին» Եվրոպական Կոնվենցիայի, ՄԱԿ-ի Գլխավոր Ասամբլեայի 1979թ. դեկտեմբերի 17-ի 34/169 բանաձևով ընդունված Իրավակարգը պաշտպանող պաշտոնատար անձանց վարվելակերպի Կանոնագրքի, Եվրոպայի Խորհրդի նախարարների կոմիտեի թիվ R(2000)19 և R(94)12 հանձնարարականների դրույթների պահպանման գիտակցմամբ, իրավապահպան և արդարադատության գործառույթների իրականացման բնագավառում յուրաքանչյուր դատախազի առանցքային դերի, դատախազության ամբողջ համակարգի արդյունավետ գործունեությունում նրա վարքագծի էական նշանակությամբ, դատախազի վարքագծի, մասնագիտական ու գործնական առանձնահատկությունները, պաշտոնեական գործունեության և արտապաշտոնեական հարաբերություններում միայն օրենքին ենթարկվելու և դատախազների անկախությունն ապահովելու անհրաժեշտությամբ, Հայաստանի Հանրապետությունում միջազգային հանրության կողմից ընդունված չափորոշիչներին համապատասխան դատախազական գործունեություն հաստատելու, դատախազների անաչառությանն ու անկախությանը, երկրում մարդու իրավունքների և ազատությունների համակողմանի պաշտպանությանը նպաստող երաշխիքներ ապահովելու ցանկությամբ:

 

2. Դատախազի վարքագծի հիմնարար սկզբունքները

 

2.1. Դատախազն իր գործունեությունում պարտավոր է ուղենիշ ընդունել հետևյալ սկզբունքային պահանջները՝

ա) իր գործունեությամբ, գործնական, մասնագիտական և բարոյական հատկանիշներով նպաստել դատախազական գործունեության անկախության ապահովմանը և դատախազության նկատմամբ հասարակության վստահության ձևավորմանը,

բ) բարձր պահել դատախազության հեղինակությունը, անձնական վարվեցողությամբ հարգանք ու վստահություն ներշնչել դատախազության համակարգի և իր անձի նկատմամբ, ցանկացած պայմաններում ու իրավիճակում բարձր պահել դատախազի կոչումն ու բարի համբավը, պատիվն ու արժանապատվությունը, գործել այնպես, որպեսզի նրա անաչառության և անկողմնակալության նկատմամբ անհարկի կասկած չհարուցվի,

գ) ղեկավարվելով Հայաստանի Հանրապետության օրենսդրության պահանջներով, միջոցներ ձեռնարկել օրինականությունն ամրապնդելու, օրենքների կատարումն ապահովելու, իրավախախտումների պատճառներն ու դրանց կատարմանը նպաստող պայմանները բացահայտելու և վերացնելու համար,

դ) ղեկավարվելով Հայաստանի Հանրապետության Սահմանադրությամբ, օրենք-ներով և Հայաստանի Հանրապետության միջազգային պայմանագրերով, առաջնորդվել սոցիալական և իրավական արդարացիության սկզբունքով, պաշտպանել մարդու իրավունքներն ու հիմնարար ազատությունները, աջակցել դրանց իրականացմանը,

ե) մշտապես ապահովել արհեստավարժությունն ու մասնագիտական գիտելիքների պատշաճ մակարդակը, իրազեկ լինել օրենսդրության փոփոխություններին, պարբերաբար զբաղվել իր և իր գործընկերների մասնագիտական գիտելիքների բարձրացմամբ, անհրաժեշտության դեպքում մասնագիտական աջակցություն ցույց տալ գործընկերներին, հնարավորության սահմաններում զբաղվել գիտական և մանկավարժական գործունեությամբ, կատարել հատկապես դատախազության կազմակերպման ու գործունեության հետ կապված հետազոտական աշխատանքներ,

զ) լինել օրինապահ, արդարամիտ, կարգապահ, զուսպ, անկեղծ, կշռադատված, բարեկիրթ, սկզբունքային, անկողմնակալ ու հաստատակամ, անհանդուրժողական` ծառայակիցների թույլ տված սխալների, ոչ բարոյական վարքագծի նկատմամբ,

է) համապատասխան մարմիններին անհապաղ տեղեկացնել մարդկանց կյանքին, առողջությանը և շրջակա միջավայրի անվտանգությանը սպառնացող վտանգի մասին, միջոցներ ձեռնարկել դրանց ժամանակին կանխարգելման և հետևանքները վերացնելու նպատակով,

ը) իրեն տրամադրված հրազենը հասարակական վայրերում ցուցադրաբար չկրել, այլ անձանց իրավունքների սահմանափակմանն ուղղված լիազորություններ իրականացնելիս դրսևորել ծայրահեղ համեստություն, ողջամտություն ու կոռեկտություն,

թ) գործել օրենքի առջև բոլորի հավասարության սկզբունքով:

2.2. Դատախազը գործում է հրապարակայնորեն այնքանով, որքանով դա չի հակասում մարդու և քաղաքացու իրավունքների, ազատությունների և օրինական շահերի, ինչպես նաև պետական և օրենքով պաշտպանվող այլ գաղտնիքների պահպանությանը:

2.3. Դատախազը պարտավոր է դրսևորել անհրաժեշտ հետևողականություն` օրենքով նախատեսված սահմանափակումները պահպանելիս:

 

3. Դատախազի վարքագծի կանոնները պաշտոնեական հարաբերություններում

 

3.1. Դատախազի գործունեությունը հիմնվում է աստիճանակարգված ենթակայության սկզբունքի վրա:

3.2. Դատախազն իր լիազորություններն իրականացնելիս անկախ է և ենթարկվում է միայն օրենքին: Նա չի կարող լինել քաղաքական կազմակերպության անդամ, ինչպես նաև այլ կերպ զբաղվել ակտիվ քաղաքականությամբ: Նա չպետք է հովանավորչություն դրսևորի որևէ կուսակցության նկատմամբ:

3.3. դատախազը չի կարող անդամակցել այնպիսի մասնագիտական կամ հասարակական կազմակերպությունների, որոնց գործունեությունը կապված է էթնիկական, ազգային, դավանանքի կամ ֆիզիկական արատների խտրականության հետ:

3.4. Դատախազը կարող է մասնակցել արդարադատության իրականացման, մարդու իրավունքների ընդլայնման և պաշտպանության հետ առնչվող հարցերի և իրավական ակտերի նախագծերի քննարկմանը:

3.5. Դատախազը պարտավոր է պաշտոնեական գործունեությունն իրականացնել ինքնուրույն և անաչառ, օրենսդիր և գործադիր իշխանությունների և այլ պետական մարմինների, տեղական ինքնակառավարման մարմինների, հասարակական և քաղաքական կազմակերպությունների, պաշտոնատար և այլ անձանց, ինչպես նաև մերձավորների, ընկերների ու ծանոթների ապօրինի ազդեցությունից անկախ, զերծ մնալ անհատական կամ խմբակային շահերի կամ լրատվության միջոցների կամ տեղական, անձնական, ազգային կամ քաղաքական ցանկացած ազդեցությունից, ազատ լինել քննադատվելու մտավախությունից:

3.6. Դատախազը պարտավոր է գործընկերների հետ հարաբերություններում նպաստել առողջ բարոյահոգեբանական մթնոլորտի ձևավորմանը, աշխատանքային ընկերների նկատմամբ լինել հարգալից, հավասարակշռված, հարգել ուրիշի արտահայտած կարծիքը, անիրավաչափորեն չմիջամտել ուրիշի պաշտոնեական լիազորությունների իրականացմանը, չհրապարակել իրեն հայտնի դարձած ծառայողական և պետական գաղտնիքը, գործել բացառապես իրեն վերապահված լիազորությունների շրջանակում, պատրաստակամություն դրսևորել օգնելու և աջակցելու իր աշխատանքային ընկերներին:

3.7. Դատախազն իրավունք ունի ազատ արտահայտելու իր կարծիքը ծառայողական հարցերին առնչվող լուծումների վերաբերյալ, ունենալ ինքնուրույն համոզմունք, միաժամանակ նա չի կարող առաջնորդվել ենթադրություններով, հույզերով, կողմերի անձնական վերաբերմունքով, վարքագծով և այլ կողմնակի ազդեցությամբ:

3.8. Պաշտոնեական գործունեության գործընթացում թույլ տրված խախտումների ու թերությունների բացահայտումն ու անաչառ քննադատությունը պետք է ընդունի ըմբռնումով և անհրաժեշտ հետևությունների հանգելով, միջոցներ ձեռնարկի դրանք վերացնելու համար:

3.9. Դատախազը պետք է լինի ուրիշի կարծիքը լսող, հարգող և այլակարծությունը հանդուրժող:

 

4.Դատախազի վարքագծի կանոնները արտապաշտոնեական հարաբերություններում

 

4.1. Դատախազը պարտավոր է արտապաշտոնեական հարաբերություններում գործել իր բարձր կոչմանը համապատասխան:

4.2. Դատախազը պարտավոր է արտապաշտոնեական գործունեությունը` ընտանեկան, քաղաքացիական և այլ հարաբերություններն ու ապրելակերպը, կազմակերպել այնպես, որպեսզի այդպիսիք չազդեն պաշտոնեական գործունեության իրականացման և պաշտոնեական պարտականությունների պատշաճ կատարման վրա:

4.3. Դատախազը պարտավոր է ձեռնպահ մնալ իր և դատախազության հեղինակությունը վարկաբեկող, անաչառության վրա ազդող, որոշակի անձանցից նյութական և այլ կախվածության մեջ դնող անձնական, ֆինանսական և գործնական կապերից:

4.4. Դատախազը պարտավոր է հասարակական և անձնական կյանքում հարգել օրենքը, պաշտոնեական դիրքը ի չարը չօգտագործել, ձեռնպահ մնալ իրավախախ-տումներից, բարոյականության նորմերը ոտնահարող արարքներից:

4.5. Դատախազը չի կարող լինել խնամակալ, հոգաբարձու կամ հավատարմատար անձ, բացառությամբ պաշտոնեական պարտականությունների կատարման հետ առնչություն չունեցող ընտանիքի անդամների վստահված անձ լինելուց:

4.6. Դատախազը պարտավոր է լինել բարոյական բարձր արժեքների կրող, խուսափել արատավորող գործողություններից, պահպանել համակեցության կանոնները, հարգել ազգային և կրոնական սովորույթները, իր վարքով ու անաչառ գործելակերպով նվաճել հասարակության վստահությունը, լինել զուսպ, իսկ զգացմունքներում՝ կայուն:

 

 

5. Պատասխանատվությունը «Դատախազի վարքագծի կանոնագրքի» խախտման համար

 

5.1. «Դատախազի վարքագծի կանոնագրքի» խախտում թույլ տալու դեպքում դատախազը կարգապահական պատասխանատվություն է կրում «Դատախազության մասին» Հայաստանի Հանրապետության օրենքի 46-րդ հոդվածի 3-րդ կետի նորմերին համապատասխան:

5.2. Կարգապահական վարույթն իրականացնելիս պահպանվում են «Դատախազության մասին» Հայաստանի Հանրապետության օրենքի 44-րդ հոդվածով սահմանված իրավական պաշտպանվածության երաշխիքները: Դատախազի վարքագծի կանոնների պահպանության երաշխավորը Հայաստանի Հանրապետության գլխավոր դատախազն է:

 

«Դատախազի վարքագծի կանոնագիրքը» մշակվել է դատախազության կառուցվածքային ստորաբաժանումների կողմից ներկայացված առաջարկությունների հիման վրա:

Պետծառայողներ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԼԽԱՎՈՐ ԴԱՏԱԽԱԶ ՀՐԱՄԱՆ

 

«11» 02. 2016թ. ,  Երևան   №19

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱԽԱԶՈՒԹՅԱՆ ԱՇԽԱՏԱԿԱԶՄՈՒՄ ՊԵՏԱԿԱՆ ԾԱՌԱՅՈՒԹՅԱՆ ԹԱՓՈՒՐ ՊԱՇՏՈՆ ԶԲԱՂԵՑՆԵԼՈՒ ՀԱՄԱՐ ԱՆՑԿԱՑՎՈՂ ԲԱՑ ՄՐՑՈՒՅԹԻ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱԽԱԶՈՒԹՅԱՆ ԱՇԽԱՏԱԿԱԶՄՈՒՄ ՊԵՏԱԿԱՆ ԾԱՌԱՅՈՂՆԵՐԻ ԳՈՐԾՈՒՆԵՈՒԹՅԱՆ ԳՆԱՀԱՏՄԱՆ ԹԵՍՏԱՎՈՐՄԱՆ ՓՈՒԼԻ ՀԱՐՑԱՇԱՐԸ ՀԱՍՏԱՏԵԼՈՒ ՈՒ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԼԽԱՎՈՐ ԴԱՏԱԽԱԶԻ 2009 ԹՎԱԿԱՆԻ ՓԵՏՐՎԱՐԻ 28-Ի N 10 ՀՐԱՄԱՆՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

 

Հայաստանի Հանրապետության դատախազության աշխատակազմում պետական ծառայության թափուր պաշտոն զբաղեցնելու համար անցկացվող բաց մրցույթների և Հայաստանի Հանրապետության դատախազության աշխատակազմում պետական ծառայողների գործունեության գնահատման արդյունավետությունը բարձրացնելու նպատակով, հիմք ընդունելով Հայաստանի Հանրապետության Սահմանադրության և Հայաստանի Հանրապետության օրենսդրության մեջ կատարված փոփոխությունները, դրանով պայմանավորված` Հայաստանի Հանրապետության դատախազության աշխատակազմում պետական ծառայության թափուր պաշտոն զբաղեցնելու համար անցկացվող բաց մրցույթի և Հայաստանի Հանրապետության դատախազության աշխատակազմում պետական ծառայողների գործունեության գնահատման թեստավորման փուլի հարցաշարում փոփոխություններ կատարելու անհրաժեշտությունը, ինչպես նաև Հայաստանի Հանրապետության գլխավոր դատախազի 2008 թվականի դեկտեմբերի 22-ի «Հայաստանի Հանրապետության դատախազության աշխատակազմում պետական ծառայության թափուր պաշտոն զբաղեցնելու համար փակ և բաց մրցույթներ անցկացնելու կարգը սահմանելու մասին» N 87 հրամանի 26-րդ և Հայաստանի Հանրապետության գլխավոր դատախազի 2008 թվականի դեկտեմբերի 22-ի «Հայաստանի Հանրապետության դատախազության աշխատակազմում պետական ծառայողների գործունեության գնահատման կարգը սահմանելու մասին» N 88 հրամանի 29-րդ կետերը, ղեկավարվելով «Դատախազության մասին» Հայաստանի Հանրապետության օրենքի 10-րդ հոդվածի 1-ին մասի 6-րդ կետով և 30-րդ հոդվածով, 64-րդ հոդվածի 4-րդ մասով, 65-րդ հոդվածով, «Իրավական ակտերի մասին» Հայաստանի Հանրապետության օրենքի 72-րդ հոդվածով՝

 

Հրամայում եմ`

 

1. Հաստատել Հայաստանի Հանրապետության դատախազության աշխատակազմում պետական ծառայության թափուր պաշտոն զբաղեցնելու համար անցկացվող բաց մրցույթի և Հայաստանի Հանրապետության դատախազության աշխատակազմում պետական ծառայողների գործունեության գնահատման թեստավորման փուլի հարցաշարը՝ համաձայն հավելվածի (կցվում է):

2. Ուժը կորցրած ճանաչել Հայաստանի Հանրապետության գլխավոր դատախազի 2009 թվականի փետրվարի 28-ի «Հայաստանի Հանրապետության դատախազության աշխատակազմում պետական ծառայության թափուր պաշտոն զբաղեցնելու համար անցկացվող բաց մրցույթի և Հայաստանի Հանրապետության դատախազության աշխատակազմում պետական ծառայողների գործունեության գնահատման թեստավորման փուլի հարցաշարը հաստատելու մասին» N 10 հրամանը:

3. Սույն հրամանի կատարման վերահսկողությունը դնել Հայաստանի Հանրապետության դատախազության աշխատակազմի ղեկավար Հ.Նավասարդյանի վրա:

4. Սույն հրամանն ուղարկել Հայաստանի Հանրապետության գլխավոր դատախազի տեղակալներին, Հայաստանի Հանրապետության գլխավոր դատախազության վարչությունների և բաժինների պետերին, Հայաստանի Հանրապետության գլխավոր դատախազության ավագ դատախազին, Հայաստանի Հանրապետության զինվորական կենտրոնական դատախազության բաժինների պետերին, Հայաստանի Հանրապետության զինվորական կենտրոնական դատախազության ավագ դատախազներին, մարզերի, Երևան քաղաքի, Երևան քաղաքի վարչական շրջանների և կայազորների զինվորական դատախազներին, Հայաստանի Հանրապետության դատախազության աշխատակազմի ղեկավարին, Հայաստանի Հանրապետության գլխավոր դատախազի խորհրդականներին և օգնականներին:

 

Արդարադատության երկրորդ դասի պետական  
Խորհրդական   Գ.Ս. ԿՈՍՏԱՆՅԱՆ


 

 

Հավելված 
ՀՀ գլխավոր դատախազի 
«11»  02   2016թ.
 N 19   հրամանի

 

Ներբեռնել Հարցաշար

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԼԽԱՎՈՐ ԴԱՏԱԽԱԶԻ ՀՐԱՄԱՆ

 

«05» 10.2017թ., Երևան  № 89

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱԽԱԶՈՒԹՅԱՆ ԱՇԽԱՏԱԿԱԶՄՈՒՄ ՊԵՏԱԿԱՆ ԾԱՌԱՅՈՒԹՅԱՆ ԹԱՓՈՒՐ ՊԱՇՏՈՆ ԶԲԱՂԵՑՆԵԼՈՒ ՀԱՄԱՐ ԱՐՏԱՄՐՑՈՒԹԱՅԻՆ ԿԱՐԳՈՎ ՆՇԱՆԱԿՈՒՄ ԿԱՏԱՐԵԼՈՒ, ՄՐՑՈՒՅԹ ԱՆՑԿԱՑՆԵԼՈՒ, ՄՐՑՈՒՅԹԻ ԱՐԴՅՈՒՆՔՆԵՐԸ ԲՈՂՈՔԱՐԿԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԼԽԱՎՈՐ ԴԱՏԱԽԱԶԻ 2008 ԹՎԱԿԱՆԻ ԴԵԿՏԵՄԲԵՐԻ 22-Ի N 87 ՀՐԱՄԱՆՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

 

Հիմք ընդունելով «Դատական ծառայության մասին» Հայաստանի Հանրապետության օրենքի՝ Հայաստանի Հանրապետության դատախազության աշխատակազմում պետական ծառայության համար կիրառելի դրույթները, Հայաստանի Հանրապետության դատախազության աշխատակազմում պետական ծառայության թափուր պաշտոն զբաղեցնելու համար արտամրցութային կարգով նշանակում կատարելու, մրցույթ անցկացնելու և մրցույթի արդյունքները բողոքարկելու ընթացակարգերը սահմանելու նպատակով, ղեկավարվելով «Դատախազության մասին» Հայաստանի Հանրապետության օրենքի 10-րդ հոդվածի 1-ին մասի 6-րդ և 10-րդ կետերով, 30-րդ հոդվածով, 64-րդ հոդվածի 4-րդ մասով և 65-րդ հոդվածով, «Իրավական ակտերի մասին» Հայաստանի Հանրապետության օրենքի 72-րդ հոդվածով՝

 

Հ ր ա մ ա յ ու մ  ե մ՝

 

1. Սահմանել Հայաստանի Հանրապետության դատախազության աշխատակազմում պետական ծառայության թափուր պաշտոն զբաղեցնելու համար արտամրցութային կարգով նշանակում կատարելու, մրցույթ անցկացնելու և մրցույթի արդյունքները բողոքարկելու կարգը՝ համաձայն հավելվածի (կցվում է):

2. Ուժը կորցրած ճանաչել Հայաստանի Հանրապետության գլխավոր դատախազի 2008 թվականի դեկտեմբերի 22-ի՝ «Հայաստանի Հանրապետության դատախազության աշխատակազմում պետական ծառայության թափուր պաշտոն զբաղեցնելու համար փակ և բաց մրցույթներ անցկացնելու կարգը սահմանելու մասին» N 87 հրամանը:

3. Սույն հրամանի կատարման վերահսկողությունը դնել Հայաստանի Հանրապետության գլխավոր դատախազի՝ Հայաստանի Հանրապետության դատախազության աշխատակազմում պետական ծառայության թափուր պաշտոն զբաղեցնելու համար մրցույթի անցկացման հանձնաժողովի աշխատանքները համակարգող տեղակալի վրա:

4. Սույն հրամանի պատճենն ուղարկել Հայաստանի Հանրապետության գլխավոր դատախազի տեղակալներին, Հայաստանի Հանրապետության գլխավոր դատախազության վարչությունների պետերին և ավագ դատախազին, մարզերի, Երևան քաղաքի, Երևան քաղաքի վարչական շրջանների և կայազորների զինվորական դատախազներին, Հայաստանի Հանրապետության դատախազության աշխատակազմի ղեկավարին:

 

 

Արդարադատության առաջին դասի
խորհրդական Ա.Ս. ԴԱՎԹՅԱՆ

                                                                                                               

Հավելված 
ՀՀ գլխավոր դատախազի 
«05»  10   2017թ.
 N 89  հրամանի

 


Կ Ա Ր Գ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱԽԱԶՈՒԹՅԱՆ ԱՇԽԱՏԱԿԱԶՄՈՒՄ ՊԵՏԱԿԱՆ ԾԱՌԱՅՈՒԹՅԱՆ ԹԱՓՈՒՐ ՊԱՇՏՈՆ ԶԲԱՂԵՑՆԵԼՈՒ ՀԱՄԱՐ ԱՐՏԱՄՐՑՈՒԹԱՅԻՆ ԿԱՐԳՈՎ ՆՇԱՆԱԿՈՒՄ ԿԱՏԱՐԵԼՈՒ, ՄՐՑՈՒՅԹ ԱՆՑԿԱՑՆԵԼՈՒ ՈՒ ՄՐՑՈՒՅԹԻ ԱՐԴՅՈՒՆՔՆԵՐԸ ԲՈՂՈՔԱՐԿԵԼՈՒ

 

 

1.ԸՆԴՀԱՆՈՒՐ  ԴՐՈՒՅԹՆԵՐ

 

1. Սույն կարգով սահմանվում է Հայաստանի Հանրապետության դատախազության աշխատակազմում (այսուհետ՝ աշխատակազմ) պետական ծառայության թափուր պաշտոն զբաղեցնելու համար արտամրցութային կարգով (այսուհետ՝ արտամրցութային կարգով) նշանակում կատարելու, ինչպես նաև մրցույթ անցկացնելու և մրցույթի արդյունքները բողոքարկելու կարգը:

2. Աշխատակազմում պետական ծառայության թափուր պաշտոն զբաղեցնելու համար անձը մասնակցում է մրցույթի կամ նշանակվում է արտամրցութային կարգով:

3. Մրցույթն երաշխավորում է Հայաստանի Հանրապետության քաղաքացիների՝ անկախ ազգությունից, ռասայից, սեռից, դավանանքից, քաղաքական կամ այլ հայացքներից, սոցիալական ծագումից, գույքային կամ այլ դրությունից, մասնագիտական գիտելիքներին և աշխատանքային ունակություններին համապատասխան` աշխատակազմում պետական ծառայության թափուր պաշտոն զբաղեցնելու հավասարությունը և մատչելիությունը:

4. Աշխատակազմում պետական ծառայության թափուր պաշտոն է համարվում աշխատակազմում պետական ծառայության պաշտոնների անվանացանկով նախատեսված` օրենքով սահմանված կարգով չզբաղեցված պաշտոնը:

5. Մրցույթ չի անցկացվում աշխատակազմում պետական ծառայության ժամանակավոր թափուր պաշտոն առաջանալու կամ դրանում արտամրցութային կարգով նշանակում կատարելու դեպքում:

6. Աշխատակազմում պետական ծառայության պաշտոն զբաղեցնող անձը, սույն կարգին համապատասխան, իրավունք ունի իր ցանկությամբ գրավոր դիմում ներկայացնել՝ թափուր պաշտոնում արտամրցութային կարգով նշանակվելու, ինչպես նաև մրցույթին մասնակցելու համար, անկախ տվյալ պահին իր զբաղեցրած պաշտոնից: Մրցույթին մասնակցելու ժամանակահատվածը համարվում է հարգելի բացակայություն:

7. Մրցույթ անցկացվում է անգամ այն դեպքում, երբ դրան մասնակցելու համար դիմել է մեկ անձ:

8. Մրցույթն անցկացնում է Հայաստանի Հանրապետության գլխավոր դատախազի (այսուհետ՝ գլխավոր դատախազ) հրամանով ստեղծված հանձնաժողովը (այսուհետ` հանձնաժողով), իսկ մրցույթի արդյունքների վերաբերյալ բողոքները քննում է գլխավոր դատախազի հրամանով ստեղծված բողոքարկման հանձնաժողովը (այսուհետ` բողոքարկման հանձնաժողով):


2.ԱՐՏԱՄՐՑՈՒԹԱՅԻՆ ԿԱՐԳՈՎ ՆՇԱՆԱԿՈՒՄ ԿԱՏԱՐԵԼԸ


9. Աշխատակազմում պետական ծառայության թափուր պաշտոն առաջանալիս (բացառությամբ աշխատակազմում պետական ծառայության կրտսեր պաշտոնների) տվյալ պաշտոնում նշանակելու իրավասություն ունեցող պաշտոնատար անձն իրավունք ունի արտամրցութային կարգով մեկշաբաթյա ժամկետում աշխատակազմի պետական ծառայողներից կամ կադրերի ռեզերվում ընդգրկված անձանցից տվյալ պաշտոնում նշանակել այն պետական ծառայողին կամ անձին, որը՝

1) բավարարում է տվյալ թափուր պաշտոնի անձնագրով սահմանված պահանջները.

2) այդ մասին տվել է գրավոր համաձայնություն:


 3.ՄՐՑՈՒՅԹԻ  ՄԱՍԻՆ ՀԱՅՏԱՐԱՐՈՒԹՅՈՒՆԸ


10. Աշխատակազմը՝ արտամրցութային կարգով նշանակում չկատարելու, ինչպես նաև աշխատակազմում պետական ծառայության թափուր կրտսեր պաշտոն առաջանալու դեպքում, մեկշաբաթյա ժամկետում հրապարակում է հայտարարություն մրցույթ անցկացնելու մասին:

11. Մրցույթ անցկացնելու մասին հայտարարությունը հրապարակվում է մրցույթն անցկացնելու օրվանից ոչ ուշ, քան մեկ ամիս առաջ: Մրցույթի մասին հայտարարությունը հրապարակվում է Հայաստանի Հանրապետության դատախազության համացանցային պաշտոնական կայքէջում և առնվազն երեք հազար տպաքանակ ունեցող մամուլի կամ զանգվածային լրատվության այլ միջոցներով:

12.  Մրցույթ անցկացնելու մասին հայտարարության մեջ ընդգրկվում են հետևյալ տվյալները`

1) համապատասխան մարմնի անվանումը.

2) աշխատակազմում պետական ծառայության թափուր պաշտոնի անվանումը և պաշտոնի անձնագրով սահմանված հիմնական գործառույթների համառոտ նկարա­գիրը.

3) աշխատակազմում պետական ծառայության տվյալ պաշտոնի անձնագրով այդ պաշտոնը զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջ­ները.

4) փաստաթղթերի ներկայացման վերջնաժամկետը, որը պետք է լինի մրցույթի մասին հայտարարության հրապարակման 15-րդ օրը (բացառությամբ՝ ոչ աշխատանքային օրերի).

5) մրցույթը սկսելու օրը, ժամը և վայրը.

6) մրցույթի նախապատրաստական աշխատանքներն իրականացնողի գտնվելու վայրը և հեռախոսահամարը:

13. Հայտարարությանը կից ներկայացվում է մրցույթին մասնակցելու համար պահանջվող փաստաթղթերի ցանկը:


 4.ՄՐՑՈՒՅԹԸ


14. Մրցույթին մասնակցելու իրավունք ունեն աշխատակազմում պետական ծառայության տվյալ պաշտոնի անձնագրով ներկայացվող պահանջները բավարարող, հայերենին տիրապետող, 18 տարին լրացած Հայաստանի Հանրապետության քաղաքացիները:

15. Մրցույթին մասնակցելու իրավունք չունի այն անձը, որը՝

1) դատական կարգով ճանաչվել է անգործունակ կամ սահմանափակ գործունակ.

2) դատական կարգով զրկվել է պետական ծառայության պաշտոն զբաղեցնելու իրավունքից.

3) դատապարտվել է հանցագործության համար, և դատվածությունը սահմանված կարգով հանված կամ մարված չէ.

4) խուսափել է ժամկետային պարտադիր զինվորական ծառայությունից.

5) տառապում է դատախազի և աշխատակազմի պետական ծառայողի պաշտոնում նշանակմանը խոչընդոտող՝ Հայաստանի Հանրապետության Կառավարության կողմից հաստատված ֆիզիկական արատների և հիվանդությունների ցանկում ընդգրկված հիվանդություններից որևէ մեկով:

16. Մրցույթն անցկացվում է երկու փուլով՝ թեստավորման և հարցա­զրույցի:

17. Մասնակիցը համարվում է մրցույթի արդյունքում հաղթող ճանաչված՝ թեստավորման ու հարցազրույցի փուլերն անցնելու և դրանց արդյունքում հաղթող ճանաչվելու դեպքում:


5.ՄՐՑՈՒՅԹԻ ՆԱԽԱՊԱՏՐԱՍՏԱԿԱՆ ԱՇԽԱՏԱՆՔՆԵՐԸ


18. Մրցույթին մասնակցելու համար անձը (այսուհետ` դիմումատու) նախապատրաստական աշխատանքներն իրականացնողին ներկայացնում է՝

1) գրավոր դիմում հանձնաժողովին՝ նշելով այն պաշտոնը, որին հավակնում է.

2) աշխատակազմում պետական ծառայության տվյալ պաշտոնի անձնագրով այդ պաշտոնը զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջ­ների բավարարումը հավաստող փաստաթղթերի պատճենները.

3) տեղեկանք՝ աշխատակազմում պետական ծառայության պաշտոնում նշանակվելու դեպքում ծառայողական պարտականությունների կատարմանը և լիազորություն­ների իրականացմանը խոչընդոտող՝ Հայաստանի Հանրապետության Կառավարության կողմից հաստատված ցանկում ընդգրկված հիվանդություններով չտառապելու մասին.

4) հայտարարություն այն մասին, որ ինքը դատական կարգով չի ճանաչվել անգործունակ կամ սահմանափակ գործունակ.

5) հայտարարություն այն մասին, որ ինքը չի դատապարտվել հանցագործության համար, կամ դատվածությունը սահմանված կարգով հանված կամ մարված է.

6) արական սեռի անձինք ներկայացնում են նաև զինգրքույկ կամ դրան փոխարինող ժամանակավոր և զորակոչային տեղամասային կցագրման վկայական. զինվորական հաշվառման մեջ գտնվելու, ժամկետային զինվորական ծառայությունից ազատված լինելու կամ ժամկետային զինվորական ծառայությունից տարկետման իրավունք ունենալու վերաբերյալ համապատասխան տեղեկանք.

7) երկու լուսանկար՝ 3 X 4 սմ չափսի.

8) անձնագրի պատճենը.

9) ինքնակենսագրություն (անհրաժեշտության դեպքում ներառելով տեղեկություն տվյալ պաշտոնի անձնագրով պահանջվող օտար լեզվի (լեզուների) տիրապետման մասին):

    19. Դիմումատուն փաստաթղթերը ներկայացնում է անձամբ, անձնագրով կամ անձը հաստատող այլ փաստաթղթով:
    20. Նախապատրաստական աշխատանքներն իրականացնողը դիմումատուի ներկայացրած փաստաթղթերի պատճենները համեմատում է բնօրինակների հետ և ընդունում դրանք: Այդ մասին դիմումատուին տրվում է համապատասխան ստացական, որից հետո նրանից այլ փաստաթղթեր չեն ընդունվում: Դիմումատուն լրացուցիչ փաստաթղթեր կարող է ներկայացնել միայն հանձնաժողովի պահանջով, ինչի մասին կազմվում է արձանագրություն, որը ստորագրում են հանձնաժողովի նախագահն ու քարտուղարը` նշելով ներկայացված փաստաթղթի անվանումը, դրա բնօրինակ կամ պատճեն լինելը:
21. Մրցույթ անցկացնելու մասին հայտարարության մեջ նշված փաստաթղթերից բացի այլ փաստաթղթեր պահանջելն արգելվում է:

22. Փաստաթուղթը և դրա ներկայացման վերաբերյալ կազմված արձանագրությունը կցվում են դիմումատուի արդեն իսկ ներկայացրած փաստաթղթերին:

23. Նախապատրաստական աշխատանքներն իրականացնողը, մրցույթին մասնակցելու համար փաստաթղթեր ներկայացնելու ժամկետի ավարտից հետո, աշխատակազմի ղեկավարի գրությամբ Հայաստանի Հանրապետության ոստիկանության մարմիններին հարցում է կատարում դիմումատուի դատվածության վերաբերյալ:
24. Մրցույթի վերաբերյալ ամփոփ հաշվետվություն կազմելու, ինչպեu նաև նախապատրաuտական աշխատանքները պատշաճ ձևով կազմակերպելու նպատակով,  նախապատրաստական աշխատանքներն իրականացնողը վարում է մրցույթներին մաuնակցելու համար դիմած դիմումատուների տվյալների գրառման համարակալված և աշխատակազմի ղեկավարի կողմից կնքված մատյան, որում նշվում են մրցույթին մաuնակցելու համար դիմած յուրաքանչյուր դիմումատուի անունը, ազգանունը, հայրանունը, ծննդյան տարին, ամիuը, ամuաթիվը, անձնագրի համարը և uերիան, ինչպեu նաև ներկայացված փաuտաթղթերի էջերի քանակը:
25. Դիմումատուի տվյալները մատյանում գրառվում են նրա ներկայացրած փաuտաթղթերը աշխատակազմի կողմից ընդունելու oրը:
26. Դիմումատուն մրցույթից առնվազն մեկ օր առաջ կարող է գրավոր հրաժարվել մրցույթին մասնակցելուց:
27. Մրցույթին մասնակցելու համար սահմանված ժամկետում դիմում չներկայացվելու մասին տեղյակ է պահվում աշխատակազմի ղեկավարին:
28. Նախապատրաստական աշխատանքներն իրականացնողը մրցույթին մասնակցելու համար դիմում ներկայացրած յուրաքանչյուր դիմումատուի (բացառությամբ մրցույթին մասնակցելուց հրաժարվածների) վերաբերյալ փաստաթղթերի փաթեթը (համարակալված, կարված և կնքված) և այդ փաստաթղթերի համապատասխանելիության ու ամբողջականության մասին տեղեկանքը ներկայացնում է հանձնաժողովին:
29. Հանձնաժողովի նախագահը, մինչև մրցույթը սկսելը, լուծում է հանձնաժողովի իրավազորության հարցը` ստուգելով հանձնաժողովի անդամների ներկայությունը:
30. Հանձնաժողովն իրավազոր է, եթե ներկա է հանձնաժողովի անդամների առնվազն երկու երրորդը:
31. Նիստին հանձնաժողովի անդամների առնվազ երկու երրորդի ներկա չլինելու դեպքում, հանձնաժողովի նախագահն իր որոշմամբ հետաձգում է մրցույթի անցկացումը:
32. Մրցույթի անցկացումը տեղափոխելու մասին որոշումը ստորագրում է հանձնաժողովի նախագահը: Հանձնաժողովի քարտուղարն որոշման մասին տեղեկացնում է դիմումատուներին` միաժամանակ նշելով մրցույթը տեղափոխելու պատճառների, դրա անցկացման նոր օրվա, ժամի և վայրի մասին:
33. Մրցույթի անցկացումը տեղափոխելու մասին որոշումն ուղարկվում է աշխատակազմի ղեկավարին:
34. Հանձնաժողովի նախագահը, իրավազորության հարցը լուծելուց հետո, նիստում քննության է առնում ներկայացված դիմումները, դրանց կից փաստաթղթերը, այդ փաuտաթղթերի համապատաuխանությունը սույն կարգի պահանջներին, լուծում դիմումատուի կողմից լրացուցիչ փաստաթղթեր ներկայացնելու հարցը և կայացնում համապատասխան որոշում՝ մրցույթին մասնակցելու թույլտվություն տալու կամ չթույլատրելու մասին:
35. Մրցույթին մասնակցելու թույլտվության դեպքում հանձնաժողովը դիմումատուին ներառում է մասնակիցների ցուցակում, իսկ չթույլատրելու դեպքում կայացնում է անհատական որոշում` մրցույթին մասնակցելը չթույլատրելու մասին:
36. Հանձնաժողովը դիմումատուին չի թույլատրում մաuնակցել մրցույթին, եթե առկա է սույն կարգի 15-րդ կետում նշված հիմքերից մեկը, կամ դիմումատուն չի համապատասխանում սույն կարգի 14-րդ կետում նշված պահանջներին, ինչպես նաև ներկայացրած փաuտաթղթերը չեն համապատաuխանում սույն կարգով սահմանված պահանջներին:
37. Հանձնաժողովը, մինչև որոշում կայացնելը, անհրաժեշտության դեպքում, կարող է հրավիրել և լuել դիմումատուին` հայտնաբերված թերությունը կամ անհամապատասխանությունը շտկելու նպատակով:
38. Հանձնաժողովի նախագահը ստորագրում է մրցույթին մասնակցելը չթույլատրելու մասին որոշումը, որում մանրամասն ներկայացվում են որոշման կայացման հիմքերն ու պատճառները:
39. Հանձնաժողովն իր որոշմամբ հաuտատում և հրապարակում է մրցույթի մաuնակիցների ցուցակը, որից հետո անցնում մրցույթի անցկացմանը:
40. Հանձնաժողովի նախագահը և քարտուղարը ստորագրում են մրցույթի մասնակիցների ցուցակը հաստատելու մասին արձանագրությունը, որին կցվում է այն դիմումատուների ցուցակը, որոնց թույլատրվել է մասնակցել մրցույթին:
41. Հանձնաժողովի կողմից մրցույթին դիմումատուների մասնակցելը չթույլատրելու, կամ բոլոր դիմումատուների չներկայանալու դեպքերում, հանձնաժողովը կայացնում է մրցույթը չկայանալու մասին որոշում, որն ուղարկվում է աշխատակազմի ղեկավարին:
42. Հանձնաժողովի նախագահը ստորագրում է մրցույթը չկայանալու մասին որոշումը, որում նշվում են պատճառները:
43. Մրցույթն անցկացվում է հայտարարության մեջ նշված օրը, ժամին և վայրում, որոնց փոփոխման դեպքում լրացուցիչ տեղյակ է պահվում դիմումատուին:


6.ԹԵՍՏԱՎՈՐՄԱՆ ՓՈՒԼԸ

44. Հանձնաժողովի նախագահը, մինչև թեստավորման փուլի սկիզբը, նախապատրաստական աշխատանքներն իրականացնողից ստանում է տվյալ թափուր պաշտոնի անձնագրի օրինակը և դիմորդների թվին համապատասխան քանակով կնքված թեստային առաջադրանքներն ու ամփոփաթերթը՝ կնքված վիճակում:

45. Թեստային առաջադրանքները կազմվում են գլխավոր դատախազի հրամանով հաստատված հարցաշարից (այսուհետ՝ հարցաշար), որը մրցույթից առնվազն մեկ ամիս առաջ հրապարակվում է Հայաստանի Հանրապետության դատախազության համացանցային պաշտոնական կայքէջում:

46. Հարցաշարը բաղկացած է 300 հարցից, որոնցից յուրաքանչյուրն ունի երեք կամ չորս ենթադրյալ պատասխան, որոնցից մեկը միանշանակ ճիշտ պատասխանն է:

47. Նախապատրաստական աշխատանքներն իրականացնողը, մինչև թեստավորման փուլի սկիզբը, համակարգչում զետեղված հարցաշարից, համակարգչի պատահական ընտրությամբ կազմում է թեստավորում անցկացնելու համար հարցեր և կազմում թեստային առաջադրանքը՝ հետևյալ չափաբաժիններով.

1) աշխատակազմում պետական ծառայության բարձրագույն պաշտոնների խմբի թափուր պաշտոն զբաղեցնելու համար մրցույթի դեպքում՝ 50 հարց.

2) աշխատակազմում պետական ծառայության գլխավոր պաշտոնների խմբի թափուր պաշտոն զբաղեցնելու համար մրցույթի դեպքում՝ 40 հարց.

3) աշխատակազմում պետական ծառայության առաջատար պաշտոնների խմբի թափուր պաշտոն զբաղեցնելու համար մրցույթի դեպքում՝ 30 հարց.

4) աշխատակազմում պետական ծառայության կրտսեր պաշտոնների խմբի թափուր պաշտոն զբաղեցնելու համար մրցույթի դեպքում՝ 20 հարց:

48. Թեստային առաջադրանքների հարցերն ընդգրկում են հետևյալ բնագավառները՝

1) Հայաստանի Հանրապետության Սահմանադրություն՝ 20 տոկոս.

2) «Դատախազության մասին» և «Դատական ծառայության մասին» Հայաստանի Հանրապետության օրենքներ՝ 30 տոկոս.

3) աշխատակազմում պետական ծառայության իրականացմանը և գործունեության կազմակերպմանն առնչվող հասարակական հարաբերությունները կանոնակարգող իրավական ակտեր՝ 30 տոկոս.

4) պետական ծառայության առանձնահատկությունները կարգավորող այլ օրենսդրական ակտեր («Քաղաքացիական ծառայության մասին», «Պետական կառավարչական հիմնարկների մասին» Հայաստանի Հանրապետության օրենքներ և այլն), ինչպես նաև «Իրավական ակտերի մասին» Հայաստանի Հանրապետության օրենք՝ 20 տոկոս:

49. Թեստավորումն անցկացվում է գրավոր, եթե տեխնիկական պատճառներով այն հնարավոր չէ անցկացնել համակարգչի միջոցով:

50. Թեստավորումն անցկացվում է այդ նպատակի համար առանձնացված սենյակում, որն ապահովված է համապատասխան պայմաններով:

51. Թեստավորմանը մասնակցելու համար մասնակիցը ներկայացնում է անձը հաստատող փաստաթուղթ:

52. Հանձնաժողովի քարտուղարը, հանձնաժողովի որոշմամբ, ցուցակին համապատասխան ստուգում է մասնակցի ինքնությունը և թույլատրում նրան մտնել թեստավորման սենյակ:

53. Մասնակիցների մուտքը սենյակ դադարեցվում է թեստավորումը սկսելուց 10 րոպե առաջ:

54. Թեստավորման մասնակցին արգելվում է թեստավորման սենյակ բերել կապի միջոցներ, տեխնիկական այլ սարքեր, տպագիր կամ ձեռագիր նյութեր:

55. Հանձնաժողովի քարտուղարը մասնակցին բացատրում է թեստա­վորման անցկացմանն առնչվող հարցերը և պատաս­խանում տեխնիկական հարցերին:

56. Հանձնաժողովի քարտուղարը մասնակցին տալիս է թեստային առաջադրանքը և ամփոփաթերթը, որոնց վրա, հանձնաժողովի ներկայությամբ, մասնակիցը լրացնում է իր ազգանունը, անունը, հայրանունը, ստորագրում է և դնում ամսաթիվը:

57. Թեստավորման առաջադրանքները բաղկացած են հարցերից և դրանց՝ երեք կամ չորս ենթադրյալ պատասխաններից, որոնցից մեկը միանշանակ ճիշտ պատասխանն է:

58. Թեստավորման սկիզբը հայտարարելուց հետո մասնակցին հայտնվում է թեստի անցկացման թղթային կամ համակարգչային եղանակի մասին:

59. Թղթային եղանակով թեստավորման դեպքում մասնակիցը ծանոթանում է թեստային առաջադրանքներին և յուրաքանչյուր հարցի վերաբերյալ թեստային առաջադրանքում նախատեսված հնարավոր մի քանի պատասխաններից ընտրում է մեկ տարբերակ և ամփոփաթերթի համապատասխան վանդա­կում կատարում է նշում: Համակարգչային թեստավորման ընթացքում նույն ընթացակարգը կատարվում է համակարգչով և արդյունքները պահպանվում են համակարգչում:

60. Թեստավորման ընթացքում մասնակցին չի թույլատրվում աղմկել, հուշել, խոսել, օգտվել որևէ գրավոր նյութից, կապի միջոցներից կամ տեխնիկական այլ սարքերից, թեստային առաջադրանքներին առնչվող հարցեր տալ ներկա գտնվող անձանց, այդ թվում՝ հանձնաժողովի անդամներին, ինչպես նաև դուրս գալ սենյակից: Եթե մասնակիցը ցանկանում է լքել սենյակը, ապա նրա մասնակցությունը համարվում է դադարեցված:

61. Սույն կարգի 54-րդ, 60-րդ և 68-րդ կետերի պահանջները խախտելու դեպքում հանձնաժողովն իր որոշմամբ դադարեցնում է մասնակցի մասնակցությունը թեստավորման փուլին, աշխատանքը ճանաչում է անվավեր և գնահատում է զրո միավոր, ինչի մասին հանձնաժողովի քարտուղարը նշում է մասնակցի թեստային առաջադրանքի վրա կամ համակարգչում:

62. Հանձնաժողովի նախագահը ստորագրում է մասնակցի թեստավորումը դադարեցնելու մասին որոշումը, որում նշվում են այն հանգամանքն ու հիմնավորումը, որը նման որոշում կայացնելու հիմք է հանդիսացել:

63. Ամփոփաթերթի վրա ջնջումներ, ուղղումներ կամ վերականգնումներ կատարելու դեպքում տվյալ հարցի պատասխանը համարվում է սխալ:

64. Աշխատանքն ավարտելուց, ինչպես նաև թեստային առաջադրանքների կատարման համար հատկացված ժամանակը սպառվելուց հետո, մասնակիցը թեստային առաջադրանքը և ամփոփաթերթը հանձնում է հանձնաժողովի քարտուղարին, որն աշխատանքը պատճենում և պատճենը տրամադրում է մասնակցին, իսկ բնօրինակը` հանձնաժողովի նախագահին:

65. Համակարգչային թեստավորման դեպքում թեստային առաջադրանքի վերջնական տարբերակը տպվում է և հանձնվում մասնակցին:

66. Թեստավորման առաջադրանքը կատարելու համար մասնակցին տրվում է՝

1) աշխատակազմում պետական ծառայության բարձրագույն պաշտոնների խմբի թափուր պաշտոն զբաղեցնելու համար մրցույթի դեպքում՝ 60 րոպե.

2) աշխատակազմում պետական ծառայության գլխավոր պաշտոնների խմբի թափուր պաշտոն զբաղեցնելու համար մրցույթի դեպքում՝ 50 րոպե.

3) աշխատակազմում պետական ծառայության առաջատար պաշտոնների խմբի թափուր պաշտոն զբաղեցնելու համար մրցույթի դեպքում՝ 40 րոպե.

4) աշխատակազմում պետական ծառայության կրտսեր պաշտոնների խմբի թափուր պաշտոն զբաղեցնելու համար մրցույթի դեպքում՝ 30 րոպե:

67. Հանձնաժողովի քարտուղարը թեստավորման ավարտից 10 րոպե առաջ մասնակիցներին հիշեցնում է թեստային առաջադրանքի կատարման համար մնացած ժամանակի մասին:

68. Հանձնաժողովի քարտուղարի կողմից թեստավորման համար հատկացված ժամանակի ավարտի մասին հայտարարելուց հետո մասնակիցը պարտավոր է անմիջապես դադարեցնել աշխատանքը:


7.ԹԵՍՏԱՎՈՐՄԱՆ  ԱՐԴՅՈՒՆՔՆԵՐԻ  ԱՄՓՈՓՈՒՄԸ


69. Հանձնաժողովը ստուգում է հանձնված թեստային առաջադրանքների և ամփոփաթերթերի քանակի համապատասխանությունը մասնակիցների թվին` կազմելով համապատասխան արձանագրություն:

70. Հանձնաժողովի նախագահը և քարտուղարը ստորագրում են թեստային առաջադրանքների քանակի և թեստավորման ներկայացած դիմումատուների թվի համապատասխանությունը ստուգելու մասին արձանագրությունը, որում նշվում է թեստավորման փուլին մասնակցելու թույլտվություն ստացած և փաստացի ներկայացած դիմումատուների, բաշխված ու չբաշխված և վերադարձված թեստային առաջադրանքների քանակը:

71. Հանձնաժողովի անդամները համատեղ, նախապատրաստական աշխատանքներն իրականացնողի տրամադրած ձևանմուշի միջոցով, ստուգում են մասնակցի կողմից ամփոփաթերթում նշված պատասխանները:

72. Թեստային առաջադրանքի յուրաքանչյուր ճիշտ պատասխան գնահատվում է մեկ, իսկ սխալ պատասխանը՝ զրո միավոր:

73. Սխալ պատասխաններ են համարվում ոչ ճիշտ պատասխան նշելը, մեկից ավելի պատասխան նշելը, որևէ պատասխան չնշելը, ինչպես նաև սույն կարգի 63-րդ կետով նախատեսված դեպքերը:

74. Յուրաքանչյուր մասնակցի համար հաշվարկվում են հավաքած միավորների քանակը և դրա տոկոսը:

75. Ստուգման աշխատանքներն ավարտելուց հետո արդյունքներն ամփոփվում են արձանագրության մեջ:

76. Հանձնաժողովի նախագահը, անդամները և քարտուղարը ստորագրում են թեստավորման արդյունքներն ամփոփելու մասին արձանագրությունը, որում նշվում են մասնակցի ազգանունը, անունը, հայրանունը, թեստային առաջադրանքում եղած հարցերի, ճիշտ պատասխանների, միավորների քանակը և դրա հիման վրա հաշվարկած տոկոսը:

77. Արձանագրությունը հրապարակելու համար հանձնաժողովի քարտուղարը բոլոր մասնակիցներին հրավիրում է թեստավորման սենյակ:

78. Հանձնաժողովի նախագահը բարձրաձայն ընթերցում է արձանագրությունը, հրապարակում է ազգանունը, անունը, հայրանունը, հայտարարում է այդ մասնակցի հավաքած միավորները և դրա տոկոսը:

79. Հանձնաժողովի նախագահը ստորագրում է հարցազրույցի փուլ անցած մասնակիցների ցուցակը հաստատելու մասին որոշումը, որում նշվում է մասնակցի ազգանունը, անունը, հայրանունը, թեստային առաջադրանքում եղած հարցերի, ճիշտ պատասխանների, միավորների քանակը և դրա հիման վրա հաշվարկած տոկոսը:

80. Հարցազրույցի փուլ է անցնում թեստային առաջադրանքների առնվազն 90 տոկոսին ճիշտ պատասխանած մասնակիցը:

81. Եթե մասնակիցներից մեկը թեստային առաջադրանքների առնվազն 90 տոկոսին ճիշտ չի պատասխանել, ինչպես նաև միակ մասնակիցը կամ բոլոր մասնակիցները թեստային առաջադրանքների առնվազն 90 տոկոսին ճիշտ են պատասխանել, սակայն հրաժարվել են հարցազրույցի փուլին մասնակցելուց, կամ սույն կարգի 60-րդ կետում սահմանված կարգով դադարեցվել է միակ մասնակցի մասնակցությունը թեստավորման փուլին, ապա հանձնաժողովը կայացնում է թեստավորման փուլի հաղթող չճանաչելու մասին որոշում, որը հանձնաժողովի նախագահն ուղեկցական գրությամբ ուղարկում է աշխատակազմի ղեկավարին:

82. Հանձնաժողովի նախագահը ստորագրում է թեստավորման արդյունքում հաղթող չճանաչելու մասին որոշումը, որում նշվում է որոշման կայացման հիմքը:


8.ՀԱՐՑԱԶՐՈՒՅՑԻ  ՓՈՒԼԸ

 

83. Հարցազրույցն անցկացվում է մրցույթի թեստավորման փուլում հաղթող ճանաչված մասնակիցների հետ:

84. Հարցազրույցն անցկացվում է տվյալ պաշտոնի անձնագրի դրույթների շրջանակներում՝ հանձնաժողովի անդամների կողմից մասնակցին տված հարցերի միջոցով նրա գործնական կարողություններն ստուգելու և գնահատելու, ինչպես նաև  մրցույթի արդյունքներն ամփոփելու նպատակով:

85. Հանձնաժողովը յուրաքանչյուր մասնակցի հարցազրույցն անցկացնում է առանձին:

86. Հարցազրույցի ընթացքում հանձնաժողովի կողմից մասնակցին տրվում է առավելագույնը ութ հարց:

87. Հարցերի քանակը կարող է գերազանցել սահմանված ութ առավելագույն քանակը, եթե մասնակիցը ցանկանում է այլ հարցի պատասխանալով բարելավել իր սխալ պատասխանների քանակական ցուցանիշը, սակայն հավելյալ հարցի սխալ պատասխանի դեպքում այն գումարվում է սխալ պատասխանների թվին:

88. Յուրաքանչյուր հարցից հետո հարց տվող հանձնաժողովի անդամը հայտարարում է պատաuխանի ճիշտ կամ uխալ լինելը, իuկ uխալ պատաuխանի դեպքում հնչեցնում է ճիշտ պատաuխանը:

89. Հարցազրույցի ընթացքը ձայնագրվում և գրավոր արձանագրվում է հանձնաժողովի քարտուղարի կողմից:

90. Արձանագրության մեջ ամրագրվում է մասնակցին տրված հարցը, այդ հարցին մասնակցի տված պատասխանն ամբողջությամբ, տվյալ հարցի վերաբերյալ հանձնաժողովի համապատասխան անդամի (նշելով նրա անունը և ազգանունը) գնահատականը (ճիշտ կամ սխալ լինելը), իսկ սխալ պատասխանի դեպքում ամրագրվում է հնչեցրած ճիշտ պատասխանը:

91. Արձանագրությունը ստորագրում են հանձնաժողովի նախագահը, անդամները և քարտուղարը:

92. Հարցազրույցի ձայնագրությունը կցվում է արձանագրությանը:

93. Հարցազրույցի ձայնագրությունն ու գրավոր արձանագրությունն ունեն միևնույն իրավական ուժը, սակայն ձայնագրության ոչ պատշաճ որակի կամ տեխնիկական այլ խնդիրների պատճառով վերարտադրելու անհնարինության դեպքում հիմք է ընդունվում գրավոր արձանագրությունը:

94. Մասնակցի հետ հարցազրույցն ավարտելուց անմիջապես հետո հանձնաժողովը տվյալ մասնակցի համար անցկացնում է գաղտնի քվեարկություն:

95. Հանձնա­ժողովի յուրաքանչյուր անդամ  քվեարկում է կողմ կամ դեմ:

96. Մեկից ավելի նշում պարունակող կամ ոչ մի նշում չպարունակող քվեաթերթիկը համարվում է անվավեր:

97. Հարցազրույցի փուլի հաղթող է ճանաչվում այն մասնակիցը, որը քվեարկության արդյունքում հավաքել է հանձնաժողովի՝ քվեարկությանը մասնակցած անդամների կեսից ավելի կողմ ձայները:

98. Հանձնաժողովի անդամների ձայների կիսվելու դեպքում ընդունված է համարվում մասնակցի համար ընդունելի որոշումը:

99. Բոլոր մասնակիցների հետ հարցազրույցն անցկացնելուց և քվեարկելուց հետո մասնակիցները հրավիրվում են հարցազրույցի անցկացման սենյակ, որտեղ հանձնաժողովի նախագահը բարձրաձայն ընթերցում է հարցազրույցի ընթացքում կազմված արձանագրությունը, հայտարարում է մասնակցի ազգանունը, անունը, հայրանունը, տրված հարցերի, ճիշտ պատասխանների, ինչպես նաև «կողմ» կամ «դեմ» ձայների քանակը և հարցազրույցի փուլի հաղթող ճանաչվելը:

100. Հարցազրույցի փուլն ամփոփելուց հետո հանձնաժողովը կազմում է մրցույթի ամփոփիչ արձանագրություն, որը կնքվում է:

101. Մասնակիցը համարվում է մրցույթի արդյունքում հաղթող ճանաչված՝ թեստավորման և հարցազրույցի փուլերն անցնելու և դրանց արդյունքում հաղթող ճանաչվելու դեպքում, որի վերաբերյալ հանձնաժողովը կայացնում է համապատասխան որոշում:

102. Մրցույթի արդյունքները հրապարակվում են մրցույթն անցկացնելուց հետո, նույն օրը՝ անմիջապես: Մրցույթի արդյունքների հրապարակման մասին կազմվում է մրցույթի արդյունքների հրապարակման թերթիկ, որը ստորագրում են հանձնաժողովի նախագահն ու քարտուղարը և կնքվում հանձնաժողովի կողմից:

103. Մրցույթի արդյունքների հրապարակման թերթիկի մեջ նշվում են՝

1)  աշխատակազմում պետական ծառայության թափուր պաշտոնի անվանումը, որը զբաղեցնելու համար անցկացվել է մրցույթը.

2) մրցույթի անցկացման տարին, ամիսը, օրը և վայրը, մրցույթի արդյունքների հրապարակման ամսաթիվը և ժամը.

3) մրցույթի արդյունքում հաղթող ճանաչված մասնակցի ազգանունը, անունը, հայրանունը:

104. Մրցույթի արդյունքների հրապարակումից անմիջապես հետո՝ ոչ ուշ, քան հաջորդ օրը, հաղթող ճանաչված մասնակիցների վերաբերյալ հանձնաժողովի կազմած եզրակացությունը մրցույթի նախապատրաստական աշխատանքներն իրականացնողն ուղարկում է տվյալ պաշտոնին նշանակելու իրավասություն ունեցող պաշտոնատար անձին­:

105. Եզրակացության  մեջ պետք է նշվեն՝

1) աշխատակազմում պետական ծառայության թափուր պաշտոնի անվանումը, որը զբաղեցնելու համար անցկացվել է մրցույթը.

2) մրցույթի անցկացման տարին, ամիսը, օրը և վայրը.

3) հաղթող ճանաչված մասնակիցների ազգանունը, անունը, հայրանունը՝ ըստ այբբենական կարգի, ծննդյան տարին, ամիսը և օրը, անձնա­գրային տվյալները.

4) հաղթող ճանաչված մասնակիցներից յուրաքանչյուրի թեստային փուլում հավաքած միավորների քանակը (տոկոսը).

5) հաղթող ճանաչված մասնակիցներից յուրաքանչյուրի վերաբերյալ հարցազրույցի արդյունքում hանձնաժողովի քվեարկության արդյունքները:

106. Եզրակացությունը ստորագրում են hանձնաժողովի նախագահը և քարտուղարը: Հատուկ կարծիք ունեցող անդամներն այդ մասին նշում են կատարում եզրակացության մեջ՝ գրառելով «Հատուկ կարծիքը կցվում է» բառերը:


9.ՄՐՑՈՒՅԹԻ ԱՐԴՅՈՒՆՔՆԵՐԻ ԲՈՂՈՔԱՐԿՈՒՄԸ


107. Թեստավորման, ինչպես նաև մրցույթի արդյունքները կարող են բողոքարկվել մասնակցի (իր արդյունքների մասով) կամ հանձնաժողովի անդամի կողմից (այսուհետ՝ բողոքարկող):

108. Գրավոր բողոքը (այսուհետ` բողոք) տրվում է նախապատրաստական աշխատանքներն իրականացնողին՝ մրցույթի, այդ թվում՝ թեստավորման, արդյունքները հրապարակվելուց հետո` մեկ ժամվա ընթացքում:

109. Նախապատրաստական աշխատանքներն իրականացնողը գրավոր բողոքը ստանալիս ստորագրում է բողոքարկողի օրինակի վրա` նշելով ստացման օրն ու ժամը:

110. Բողոքը մուտքագրվում է Հայաստանի Հանրապետության դատախազության աշխատակազմի քարտուղարությունում և բողոքարկողի փաստաթղթերի պատճենների ու նյութերի հետ անմիջապես ուղարկվում գլխավոր դատախազին:

111. Բողոքում, բացի Հայաստանի Հանրապետության օրենսդրությամբ դիմումին ներկայացվող ընդհանուր պահանջներից, հստակ նշվում են բողոքարկման առարկան և հիմնավորումները:
112. Բողոքը քննության է առնում բողոքարկման հանձնաժողովը՝ այն մուտքագրվելուց հետո երեք աշխատանքային օրվա ընթացքում:
113. Բողոքարկման հանձնաժողովի կամ բողոքարկողի նախաձեռնությամբ վերջինս կարող է մասնակցել բողոքի քննությանը:

114. Բողոքարկման հանձնաժողովը բողոքը քննարկելիս ուսումնասիրում է մրցույթի արդյունքները:

115. Թեստավորման արդյունքների բողոքարկումը թեստային առաջադրանքի որևէ հարցադրման կամ դրա ենթադրյալ պատասխանի ճշտության, ինչպես նաև թեստավորման արդյունքում մասնակցի հավաքած միավորները հաշվելիս թույլ տված հնարավոր սխալի վիճարկումն է:

116. Թեստավորման արդյունքների բողոքարկման դեպքում բողոքարկման հանձնաժողովի՝ բողոքը բավարարելու որոշման դեպքում (թեստային առաջադրանքում սխալ հարցադրման դեպքում), տվյալ հարցի համար զրո միավոր ստացած մյուս մասնակիցների միավորներին ավելացվում է մեկ միավոր:

117. Թեստավորման արդյունքների հաշվարկի ժամանակ թույլ տված հավանական սխալի վերաբերյալ բողոքը հիմնավորված համարելու որոշման դեպքում բողոքարկման հանձնաժողովը բավարարում է նրա պահանջը՝ կատարելով թեստա­վորման արդյունքների վերահաշվարկ: Այն արտացոլվում է թեստավորման արդյունքների բողոքարկման մասին արձանագրության մեջ, որում նշվում են բողոքարկողի ազգանունը, անունը, հայրանունը, բողոքի պահանջը և դրա արդյունքները:

118. Հարցազրույցի արդյունքների բողոքարկումը հարցազրույցի փուլում մասնակցին տված հարցերի, մասնակցի պատասխանների, դրանց ճիշտ կամ սխալ լինելու վերաբերյալ հանձնաժողովի գնահատականների, սխալ պատասխանի դեպքում հանձնաժողովի անդամի կողմից հնչեցված ճիշտ պատասխանի, ճիշտ և սխալ պատասխանների քանակի համադրման վիճարկումն է:

119. Բողոքարկման հանձնաժողովը բողոքի քննարկման արդյունքում ընդունում է հետևյալ որոշումներից մեկը.

1) թեստավորման դեպքում` «թեստավորման արդյունքը բողոքարկող կամ մեկ այլ մասնակցի վերաբերյալ անփոփոխ թողնելու մասին», «բողոքարկող կամ մեկ այլ մասնակցի՝ հարցազրույցի փուլ անցնելու մասին», «բողոքարկող կամ մեկ այլ մասնակցի՝ հարցազրույցի փուլ չանցնելու մասին».

2) հարցազրույցի դեպքում` «հարցազրույցի արդյունքը բողոքարկող կամ մեկ այլ մասնակցի վերաբերյալ անփոփոխ թողնելու մասին», «բողոքարկող կամ մեկ այլ մասնակցին հաղթող ճանաչելու մասին» կամ «բողոքարկող կամ մեկ այլ մասնակցին հաղթող չճանաչելու մասին»:

120. Բողոքարկման հանձնաժողովի որոշումներն ընդունված են համարվում ձայների պարզ մեծամասնությամբ:

121. Բողոքարկման հանձնաժողովի կողմից «Բողոքարկող կամ մեկ այլ մասնակցի՝ հարցազրույցի փուլ անցնելու մասին» որոշումը կայացվելու դեպքում, բողոքարկող կամ մեկ այլ մասնակցի համար հարցազրույցն անցկացվում է որոշումը կայացնելու օրվան հաջորդող երկու աշխատանքային օրվա ընթացքում՝ այդ մասին պատշաճ կերպով ծանուցելով վերջիններիս:

122. Բողոքարկման հանձնաժողովը բողոքի քննարկման արդյունքներով կայացնում է պատճառաբանված գրավոր որոշում, որն ուժի մեջ է մտնում կայացման պահից և բողոքարկողին է տրամադրվում 1-օրյա ժամկետում:

123. Բողոքարկման հանձնաժողովի որոշումը կարող է բողոքարկվել դատարան՝ ՀՀ օրենսդրությամբ սահմանված կարգով:


10.ՄՐՑՈՒՅԹԻ ԱՐԴՅՈՒՆՔՆԵՐՈՎ ՊԱՇՏՈՆԻ ՆՇԱՆԱԿՈՒՄԸ


124. Եզրակացությունը ստանալուց հետո, բողոքարկման բացակայության դեպքում, երեք աշխատանքային օրվա ընթացքում, աշխատակազմում պետական ծառայության տվյալ պաշտոնին նշանակելու իրավասություն ունեցող պաշտոնատար անձը մրցույթի արդյունքում հաղթող ճանաչված մասնակիցներից մեկին նշանակում է համապատասխան պաշտոնի:

125. Բողոքարկման դեպքում համապատասխան պաշտոնում նշանակումը կատարվում է բողոքարկման արդյունքներով վերջնական որոշումն ուժի մեջ մտնելուց հետո՝ երեք աշխատանքային օրվա ընթացքում:


11.ԿԱԴՐԵՐԻ ՌԵԶԵՐՎԸ


126. Մրցույթում հաղթող ճանաչված, սակայն աշխատակազմում պետական ծառայության թափուր պաշտոնին չնշանակված մասնակիցն ընդգրկվում է աշխատակազմի կադրերի ռեզերվում:

127. Աշխատակազմի կադրերի ռեզերվում ընդգրկված և մեկ տարվա ընթացքում աշխատակազմում պաշտոնի չնշանակված անձը համարվում է կադրերի ռեզերվում չընդգրկված:


12.ՄՐՑՈՒՅԹԻ ՀՐԱՊԱՐԱԿԱՅՆՈՒԹՅՈՒՆԸ


128. Հանձնաժողովի որոշմամբ մրցույթին ներկա գտնվելու իրավունք ունեն մամուլի և զանգվածային լրատվության այլ միջոցների ներկայացուցիչներ, ինչպես նաև հրավիրված դիտորդներ:


13.ԵԶՐԱՓԱԿԻՉ  ԴՐՈՒՅԹՆԵՐ


129. Եթե հանձնաժողովն իրավազոր չէ (նիuտին չի մաuնակցում հանձնաժողովի անդամների առնվազն կեuից ավելին) կամ առկա է այլ անհաղթահարելի խոչընդոտ, ապա մրցույթը համարվում է չկայացած և անցկացվում է կրկնակի մրցույթ։

Կրկնակի մրցույթի ժամանակ մրցույթին մաuնակցելու համար նոր դիմումներ չեն ընդունվում։ Այն անցկացվում է 10-oրյա ժամկետում, ընդհանուր հիմունքներով։

130. Նոր մրցույթ անցկացվում է`

1) եթե մրցույթի արդյունքում մաuնակիցներից ոչ մեկը թեuտավորման փուլում չի հավաքել անհրաժեշտ միավորների նվազագույն քանակը.

2) եթե հարցազրույցի փուլում մաuնակիցներից ոչ մեկը չի ստացել առավելագույն միավորներ ու մրցույթի արդյունքում հաղթող չի ճանաչվել.

3) եթե մրցույթին մաuնակցելու համար ոչ մի դիմում չի ներկայացվել, կամ ներկայացված բոլոր դիմումներում առկա է 15-րդ կետում նշված հիմքերից որևէ մեկը, ինչպեu նաև, եթե մրցույթին մաuնակցելու համար դիմում ներկայացրած անձանցից ոչ մեկը չի ներկայացել.

4) եթե օրենքով uահմանված կարգի կամ սույն կարգի խախտմամբ անցկացված մրցույթն անվավեր է ճանաչվում դատական կարգով։

131. Անվավեր ճանաչված մրցույթի արդյունքում աշխատակազմում պետական ծառայության թափուր պաշտոնում նշանակված անձն ազատվում է զբաղեցրած պաշտոնից:
132. Նոր մրցույթն անցկացվում է ընդհանուր հիմունքներով։
133. Եթե նոր կամ կրկնակի մրցույթը համարվում է չկայացած (անվավեր), ինչպեu նաև նոր կամ կրկնակի մրցույթի արդյունքում հաղթող չի ճանաչվում, ապա աշխատակազմի տվյալ թափուր պաշտոնը համալրվում է կադրերի ռեզերվում գտնվող անձանցից` հարցազրույցով։
134. Մրցույթների արդյունքում կազմված փաստաթղթերի գործավարությունը սահմանված կարգով վարում է նախապատրաստական աշխատանքներն իրականացնողը:


Կոլեգիա. «Հետախուզում»

Հետադարձ կապ

ՀՀ ք. Երևան, 0010 Վազգեն Սարգսյան փ. 5

Հեռ.` +374 (10) 511-650

Ֆաքս՝ +374 (10) 511-646

Էլ. փոստ` info@prosecutor.am