13.05.2015 | ՀՀ գլխավոր դատախազն ընդունել է ՄԱԿ-ի մարդու իրավունքների պաշտպանության գրասենյակի ներկայացուցիչներին

ՀՀ գլխավոր դատախազն ընդունել է ՄԱԿ-ի Մարդու իրավունքների բարձրագույն  հանձնակատարի գրասենյակի «Երեխաների վաճառքի, երեխաների մարմնավաճառության և մանկական պոռնոգրաֆիայի հարցերով» զեկուցող Մոդ դը Բոյեր-Բուքիքյոյին և Մարդու իրավունքների պաշտպանության գրասենյակի աշխատակից Նեկան Լավինին: Քննարկվել են Հայաստանի Հանրապետությունում  երեխաների վաճառք, երեխաների մարմնավաճառություն և մանկական պոռնոգրաֆիա հանցատեսակներին վերաբերող օրնսդրական կարգավորումները:  ՀՀ գլխավոր դատախազը նշել է, որ ՀՀ օրենսդրությունը և մասնավորապես Քրեական օրենսգիրքը պատշաճ կերպով քրեականացրել է նշված հանցատեսակները:   Գլխավոր դատախազը շեշտել է, որ մեր հասարակությունում՝ երեխաների նկատմամբ հատուկ վերաբերմունքով և հոգատարությամբ պայմանավորված, նման դեպքերը, միջազգային վիճակագրական տվյալների համեմատ, Հայաստանի Հանրապետությունում բավական քիչ են: Մոդ դը Բոյեր-Բուքիքյոն նշել է, որ հաշվի առնելով միջազգային վիճակագրությունը և փորձը, անհրաժեշտ են համարում ուսումնասիրել նաև Հայաստանի Հանրապետության  պաշտոնական վիճակագրական տվյալները: ՀՀ Գլխավոր  դատախազը  պատրաստակամություն է հայտնել ՄԱԿ-ի Մարդու իրավունքների բարձրագույն  հանձնակատարի գրասենյակի ներկայացուցիչներին տրամադրել հայցվող տեղեկատվությունը:  Գ. Կոստանյանն ընդգծել է, որ Գլխավոր դատախազությունը պատրաստ է նաև համագործակցել թե՛ միջազգային, թե՛ տեղական կազմակերպությունների հետ, առկա, թեկուզ և  սակավ դեպքերը նվազեցնելու և կանխելու ուղղությամբ: 

ՀՀ գլխավոր դատախազն ամփոփել է Արցախի Հանրապետություն կատարած աշխատանքային այցի արդյունքները

Հետադարձ կապ

ՀՀ ք. Երևան, 0010 Վազգեն Սարգսյան փ. 5

Հեռ.` +374 (10) 511-650

Ֆաքս՝ +374 (10) 511-646

Էլ. փոստ` info@prosecutor.am

 

Տեղեկատվության տրամադրում

ՀՀ դատախազության հանրային կապերի բաժնի պետ՝ Արևիկ Խաչատրյան

Հեռ. (37410) 511-527